| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 6.12.9 | Polyb. 6.13.7 (English) | >>Polyb. 6.14.5 |
6.13.4 ὁμοίως ὅσα τῶν ἀδικημάτων τῶν κατʼ Ἰταλίαν προσδεῖται δημοσίας ἐπισκέψεως , λέγω δʼ οἷον προδοσίας , συνωμοσίας , φαρμακείας , δολοφονίας , τῇ συγκλήτῳ μέλει περὶ τούτων . πρὸς δὲ τούτοις ,
6.13.5 εἴ τις ἰδιώτης ἢ πόλις τῶν κατὰ τὴν Ἰταλίαν διαλύσεως ἢ καὶ νὴ Δίʼ ἐπιτιμήσεως ἢ βοηθείας ἢ φυλακῆς προσδεῖται , τούτων πάντων ἐπιμελές ἐστι τῇ συγκλήτῳ .
6.13.6 καὶ μὴν εἰ τῶν ἐκτὸς Ἰταλίας πρός τινας ἐξαποστέλλειν δέοι πρεσβείαν τινʼ ἢ διαλύσουσάν τινας ἢ παρακαλέσουσαν ἢ καὶ νὴ Δίʼ ἐπιτάξουσαν ἢ παραληψομένην ἢ πόλεμον ἐπαγγέλλουσαν . αὕτη ποιεῖται τὴν πρόνοιαν .
6.13.7 ὁμοίως δὲ καὶ τῶν παραγενομένων εἰς Ῥώμην πρεσβειῶν ὡς δέον ἐστὶν ἑκάστοις χρῆσθαι καὶ ὡς δέον ἀποκριθῆναι , πάντα ταῦτα χειρίζεται διὰ τῆς συγκλήτου . πρὸς δὲ τὸν δῆμον καθάπαξ οὐδέν ἐστι τῶν προειρημένων .
6.13.8 ἐξ ὧν πάλιν ὁπότε τις ἐπιδημήσαι μὴ παρόντος ὑπάτου , τελείως ἀριστοκρατικὴ φαίνεθʼ ἡ πολιτεία .
6.13.9 ὃ δὴ καὶ πολλοὶ τῶν Ἑλλήνων , ὁμοίως δὲ καὶ τῶν βασιλέων , πεπεισμένοι τυγχάνουσι , διὰ τὸ τὰ σφῶν πράγματα σχεδὸν πάντα τὴν σύγκλητον κυροῦν .
6.14.1
τῆς μὲν συγκλήτου τῶν κατὰ μέρος ὧν εἰρήκαμεν κυρίας ὑπαρχούσης , τὸ δὲ μέγιστον , ὑπʼ αὐτῆς καὶ τῆς εἰσόδου καὶ τῆς ἐξόδου χειριζομένης ἁπάσης , τῶν δὲ στρατηγῶν ὑπάτων πάλιν αὐτοκράτορα μὲν ἐχόντων δύναμιν περὶ τὰς τοῦ πολέμου παρασκευάς , αὐτοκράτορα δὲ τὴν ἐν τοῖς ὑπαίθροις ἐξουσίαν ;
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 6.12.9 | Polyb. 6.13.7 (English) | >>Polyb. 6.14.5 |
