Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 6.19.1 | Polyb. 6.19.8 (English) | >>Polyb. 6.20.6 |
6.19.5 ἐὰν δὲ μέλλωσι ποιεῖσθαι τὴν καταγραφὴν τῶν στρατιωτῶν οἱ τὰς ὑπάτους ἔχοντες ἀρχάς , προλέγουσιν ἐν τῷ δήμῳ τὴν ἡμέραν , ἐν ᾗ δεήσει παραγενέσθαι τοὺς ἐν ταῖς ἡλικίαις Ῥωμαίους ἅπαντας . ποιοῦσι δὲ τοῦτο καθʼ ἕκαστον ἐνιαυτόν .
6.19.6 τῆς δʼ ἡμέρας ἐπελθούσης καὶ τῶν στρατευσίμων παραγενομένων εἰς τὴν Ῥώμην , καὶ μετὰ ταῦθʼ ἁθροισθέντων εἰς τὸ Καπετώλιον , διεῖλον σφᾶς αὐτοὺς οἱ νεώτεροι τῶν χιλιάρχων ,
6.19.7 καθάπερ ἂν ὑπὸ τοῦ δήμου κατασταθῶσιν ἢ τῶν στρατηγῶν , εἰς τέτταρα μέρη διὰ τὸ τέτταρα παρʼ αὐτοῖς στρατόπεδα τὴν ὁλοσχερῆ καὶ πρώτην διαίρεσιν τῶν δυνάμεων ποιεῖσθαι .
6.19.8 καὶ τοὺς μὲν πρώτους κατασταθέντας τέτταρας εἰς τὸ πρῶτον καλούμενον στρατόπεδον ἔνειμαν , τοὺς δʼ ἑξῆς τρεῖς εἰς τὸ δεύτερον , τοὺς δʼ ἑπομένους τούτοις τέτταρας εἰς τὸ τρίτον , τρεῖς δὲ τοὺς τελευταίους εἰς τὸ τέταρτον .
6.19.9 τῶν δὲ πρεσβυτέρων δύο μὲν τοὺς πρώτους εἰς τὸ πρῶτον , τρεῖς δὲ τοὺς δευτέρους εἰς τὸ δεύτερον τιθέασι στρατόπεδον , δύο δὲ τοὺς ἑξῆς εἰς τὸ τρίτον , τρεῖς δὲ τοὺς τελευταίους εἰς τὸ τέταρτον τῶν
6.20.1
μετὰ ταῦτα καθίσαντες χωρὶς ἀλλήλων κατὰ στρατόπεδον κληροῦσι τὰς φυλὰς κατὰ μίαν καὶ προσκαλοῦνται τὴν ἀεὶ λαχοῦσαν .
Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 6.19.1 | Polyb. 6.19.8 (English) | >>Polyb. 6.20.6 |