| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 6.21.4 | Polyb. 6.22.1 (English) | >>Polyb. 6.23.3 |
6.21.8 αὗται γάρ εἰσι καὶ τοσαῦται διαφοραὶ παρὰ Ῥωμαίοις καὶ τῶν ὀνομασιῶν καὶ τῶν ἡλικιῶν , ἔτι δὲ τῶν καθοπλισμῶν ἐν ἑκάστῳ στρατοπέδῳ .
6.21.9 διαιροῦσι δʼ αὐτοὺς τὸν τρόπον τοῦτον ὥστʼ εἶναι τοὺς μὲν πρεσβυτάτους καὶ τριαρίους προσαγορευομένους ἑξακοσίους , τοὺς δὲ πρίγκιπας χιλίους καὶ διακοσίους , ἴσους δὲ τούτοις τοὺς ἁστάτους , τοὺς δὲ λοιποὺς καὶ νεωτάτους γροσφοφόρους .
6.21.10 ἐὰν δὲ πλείους τῶν τετρακισχιλίων ὦσι , κατὰ λόγον ποιοῦνται τὴν διαίρεσιν πλὴν τῶν τριαρίων . τούτους αἰεὶ τοὺς ἴσους .
6.22.1
ἡ δὲ πάρμη καὶ δύναμιν ἔχει τῇ κατασκευῇ καὶ μέγεθος ἀρκοῦν πρὸς ἀσφάλειαν · περιφερὴς γὰρ οὖσα τῷ σχήματι τρίπεδον ἔχει τὴν διάμετρον .
6.22.3 προσεπικοσμεῖται δὲ καὶ λιτῷ περικεφαλαίῳ · ποτὲ δὲ λυκείαν ἤ τι τῶν τοιούτων ἐπιτίθεται , σκέπης ἅμα καὶ σημείου χάριν , ἵνα τοῖς κατὰ μέρος ἡγεμόσι προκινδυνεύοντες ἐρρωμένως καὶ μὴ διάδηλοι γίνωνται .
6.22.4 τὸ δὲ τῶν γρόσφων βέλος ἔχει τῷ μὲν μήκει τὸ ξύλον ὡς ἐπίπαν δίπηχυ , τῷ δὲ πάχει δακτυλιαῖον , τὸ δὲ κέντρον σπιθαμιαῖον , κατὰ τοσοῦτον ἐπὶ λεπτὸν ἐξεληλασμένον καὶ συνωξυσμένον ὥστε κατʼ ἀνάγκην εὐθέως ἀπὸ τῆς πρώτης ἐμβολῆς κάμπτεσθαι καὶ μὴ δύνασθαι τοὺς πολεμίους ἀντιβάλλειν · εἰ δὲ μή , κοινὸν γίνεται τὸ βέλος .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 6.21.4 | Polyb. 6.22.1 (English) | >>Polyb. 6.23.3 |
