| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 6.21.8 | Polyb. 6.23.1 (English) | >>Polyb. 6.23.9 |
6.22.3 προσεπικοσμεῖται δὲ καὶ λιτῷ περικεφαλαίῳ · ποτὲ δὲ λυκείαν ἤ τι τῶν τοιούτων ἐπιτίθεται , σκέπης ἅμα καὶ σημείου χάριν , ἵνα τοῖς κατὰ μέρος ἡγεμόσι προκινδυνεύοντες ἐρρωμένως καὶ μὴ διάδηλοι γίνωνται .
6.22.4 τὸ δὲ τῶν γρόσφων βέλος ἔχει τῷ μὲν μήκει τὸ ξύλον ὡς ἐπίπαν δίπηχυ , τῷ δὲ πάχει δακτυλιαῖον , τὸ δὲ κέντρον σπιθαμιαῖον , κατὰ τοσοῦτον ἐπὶ λεπτὸν ἐξεληλασμένον καὶ συνωξυσμένον ὥστε κατʼ ἀνάγκην εὐθέως ἀπὸ τῆς πρώτης ἐμβολῆς κάμπτεσθαι καὶ μὴ δύνασθαι τοὺς πολεμίους ἀντιβάλλειν · εἰ δὲ μή , κοινὸν γίνεται τὸ βέλος .
6.23.1
ἔστι δʼ ἡ Ῥωμαϊκὴ πανοπλία πρῶτον μὲν θυρεός — οὗ τὸ μὲν πλάτος ἐστὶ τῆς κυρτῆς ἐπιφανείας πένθʼ ἡμιποδίων , τὸ δὲ μῆκος ποδῶν τεττάρων , τὸ δʼ ἐπʼ ἴτυος πάχος ἔτι καὶ παλαιστιαῖον —
6.23.3 ἐκ διπλοῦ σανιδώματος ταυροκόλλῃ πεπηγώς , ὀθονίῳ , μετὰ δὲ ταῦτα μοσχείῳ δέρματι περιείληται τὴν ἐκτὸς ἐπιφάνειαν .
6.23.4 ἔχει δὲ περὶ τὴν ἴτυν ἐκ τῶν ἄνωθεν καὶ κάτωθεν μερῶν σιδηροῦν σιάλωμα , διʼ οὗ τάς τε καταφορὰς τῶν μαχαιρῶν ἀσφαλίζεται καὶ τὰς πρὸς τὴν γῆν ἐξερείσεις .
6.23.5 προσήρμοσται δʼ αὐτῷ καὶ σιδηρᾶ κόγχος , ἣ τὰς ὁλοσχερεῖς ἀποστέγει πληγὰς λίθων καὶ σαρισῶν καὶ καθόλου βιαίων βελῶν .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 6.21.8 | Polyb. 6.23.1 (English) | >>Polyb. 6.23.9 |
