| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 6.23.10 | Polyb. 6.23.16 (English) | >>Polyb. 6.24.8 |
6.23.13 ὡς πηχυαίοις τὸ μέγεθος , ὧν προστεθέντων κατὰ κορυφὴν ἅμα τοῖς ἄλλοις ὅπλοις ὁ μὲν ἀνὴρ φαίνεται διπλάσιος ἑαυτοῦ κατὰ τὸ μέγεθος , ἡ δʼ ὄψις καλὴ καὶ καταπληκτικὴ τοῖς ἐναντίοις .
6.23.14 οἱ μὲν οὖν πολλοὶ προσλαβόντες χάλκωμα σπιθαμιαῖον πάντῃ πάντως , ὃ προστίθενται μὲν πρὸ τῶν στέρνων , καλοῦσι δὲ καρδιοφύλακα , τελείαν ἔχουσι τὴν καθόπλισιν ·
6.23.15 οἱ δʼ ὑπὲρ τὰς μυρίας τιμώμενοι δραχμὰς ἀντὶ τοῦ καρδιοφύλακος σὺν τοῖς ἄλλοις ἁλυσιδωτοὺς περιτίθενται θώρακας .
6.23.16 ὁ δʼ αὐτὸς τρόπος τῆς καθοπλίσεώς ἐστι καὶ περὶ τοὺς πρίγκιπας καὶ τριαρίους , πλὴν ἀντὶ τῶν ὑσσῶν οἱ τριάριοι δόρατα φοροῦσιν .
6.24.1
καὶ τούτους μὲν ἅπαντας προσηγόρευσαν ταξιάρχους , ὧν ὁ πρῶτος αἱρεθεὶς καὶ συνεδρίου κοινωνεῖ · προσεκλέγονται δʼ οὗτοι πάλιν αὐτοὶ τοὺς ἴσους οὐραγούς .
6.24.3 ἑξῆς δὲ τούτοις μετὰ τῶν ταξιάρχων διεῖλον τὰς ἡλικίας , ἑκάστην εἰς δέκα μέρη , πλὴν τῶν γροσφομάχων · καὶ προσένειμαν ἑκάστῳ μέρει τῶν ἐκλεχθέντων ἀνδρῶν δύʼ ἡγεμόνας καὶ δύʼ οὐραγούς .
6.24.4 τῶν δὲ γροσφομάχων τοὺς ἐπιβάλλοντας κατὰ τὸ πλῆθος ἴσους ἐπὶ πάντα τὰ μέρη διένειμαν .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 6.23.10 | Polyb. 6.23.16 (English) | >>Polyb. 6.24.8 |
