| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 6.32.5 | Polyb. 6.33.2 (English) | >>Polyb. 6.33.9 |
6.32.8 ὅταν μὲν οὖν συμβαίνῃ τοὺς ὑπάτους ἀμφοτέρους ὁμοῦ στρατοπεδεύειν , οὕτως ἀεὶ χρῶνται ταῖς στρατοπεδείαις · ὅταν δὲ χωρίς , τἄλλα μὲν ὡσαύτως , τὴν δʼ ἀγορὰν καὶ τὸ ταμιεῖον καὶ τὸ στρατήγιον μέσον τιθέασι τῶν δυεῖν στρατοπέδων .
6.33.1
ὁ δʼ ὅρκος ἐστὶ μηδὲν ἐκ τῆς παρεμβολῆς κλέψειν , ἀλλὰ κἂν εὕρῃ τι , τοῦτʼ ἀνοίσειν ἐπὶ τοὺς χιλιάρχους .
6.33.3 ἑξῆς δὲ τούτοις διέταξαν τὰς σημαίας ἐξ ἑκάστου στρατοπέδου τῶν πριγκίπων καὶ τῶν ἁστάτων , δύο μὲν εἰς τὴν ἐπιμέλειαν τοῦ τόπου τοῦ πρὸ τῶν χιλιάρχων ·
6.33.4 τὴν γὰρ διατριβὴν ἐν ταῖς καθημερείαις οἱ πλεῖστοι τῶν Ῥωμαίων ἐν ταύτῃ ποιοῦνται τῇ πλατείᾳ · διόπερ ἀεὶ σπουδάζουσι περὶ ταύτης , ὡς ῥαίνηται καὶ καλλύνηται σφίσιν ἐπιμελῶς .
6.33.5 τῶν δὲ λοιπῶν ὀκτωκαίδεκα τρεῖς ἕκαστος τῶν χιλιάρχων διαλαγχάνει · τοσαῦται γάρ εἰσι τῶν ἁστάτων καὶ πριγκίπων ἐν ἑκάστῳ στρατοπέδῳ σημαῖαι κατὰ τὴν ἄρτι ῥηθεῖσαν διαίρεσιν , χιλίαρχοι δʼ ἕξ .
6.33.6 τῶν δὲ τριῶν σημαιῶν ἀνὰ μέρος ἑκάστη τῷ χιλιάρχῳ λειτουργεῖ λειτουργίαν τοιαύτην . ἐπειδὰν καταστρατοπεδεύσωσι , τὴν σκηνὴν ἱστᾶσιν οὗτοι καὶ τὸν περὶ τὴν σκηνὴν τόπον ἠδάφισαν . κἄν τι περιφράξαι δέῃ τῶν σκευῶν ἀσφαλείας χάριν , οὗτοι φροντίζουσι .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 6.32.5 | Polyb. 6.33.2 (English) | >>Polyb. 6.33.9 |
