Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 6.35.6 | Polyb. 6.36.1 (English) | >>Polyb. 6.36.9 |
6.35.10 τοῦτον δʼ ἀκούσαντα παραπλησίως ταὐτὰ δεῖ ποιεῖν τοῖς προειρημένοις εἰς τὴν ἐπιοῦσαν ἡμέραν · ὁμοίως δὲ καὶ τοὺς ἑξῆς .
6.35.11 οἱ δὲ προκριθέντες ὑπὸ τῶν οὐραγῶν ἐκ τῆς πρώτης ἴλης τέτταρες , ἐπειδὰν διαλάχωσι τὰς φυλακάς , πορεύονται πρὸς τὸν χιλίαρχον , καὶ γραφὴν λαμβάνουσι πόσου καὶ πόσας ἐφοδεῦσαι δεῖ φυλακάς .
6.35.12 μετὰ δὲ ταῦτα παρακοιτοῦσιν οἱ τέτταρες παρὰ τὴν πρώτην σημαίαν τῶν τριαρίων · ὁ γὰρ ταύτης ταξίαρχος τὴν ἐπιμέλειαν ποιεῖται τοῦ κατὰ φυλακὴν
6.36.1
ἐπιπορεύεται δὲ τοὺς ῥηθέντας τόπους , οὐ μόνον τοὺς περὶ τὸν χάρακα καὶ τὰς εἰσόδους , ἀλλὰ καὶ τοὺς κατὰ σημαίαν ἅπαντας καὶ τοὺς κατʼ οὐλαμόν ·
6.36.3 κἂν μὲν εὕρῃ τοὺς φυλάττοντας τὴν πρώτην ἐγρηγορότας , λαμβάνει παρὰ τούτων τὸ κάρφος · ἐὰν δʼ εὕρῃ κοιμώμενον ἢ λελοιπότα τινὰ τὸν τόπον , ἐπιμαρτυράμενος τοὺς σύνεγγυς ἀπαλλάττεται .
6.36.4 τὸ δὲ παραπλήσιον γίνεται καὶ ὑπὸ τῶν τὰς ἑξῆς φυλακὰς ἐφοδευόντων .
6.36.5 τὴν δʼ ἐπιμέλειαν τοῦ κατὰ φυλακὴν βουκανᾶν , ὡς ἀρτίως εἶπον , ἵνα σύμφωνον ᾖ τοῖς ἐφοδεύουσι πρὸς τοὺς φυλάττοντας , οἱ τῆς πρώτης σημαίας τῶν τριαρίων ἐξ ἑκατέρου τοῦ στρατοπέδου ταξίαρχοι καθʼ ἡμέραν ποιοῦνται .
Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 6.35.6 | Polyb. 6.36.1 (English) | >>Polyb. 6.36.9 |