| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 6.36.3 | Polyb. 6.37.2 (English) | >>Polyb. 6.37.10 |
6.36.8 τούτου δὲ γνωσθέντος καλεῖ τὸν ταξίαρχον · οὗτος δʼ ἄγει τοὺς ἀποταχθέντας εἰς τὴν φυλακήν · οὗτοι δὲ συγκρίνονται πρὸς τὸν ἔφοδον . ἐὰν μὲν οὖν ἐν τοῖς φύλαξιν ᾖ τὸ κακόν ,
6.36.9 εὐθέως δῆλός ἐστιν ὁ τὴν ἐφοδείαν ἔχων ἐπιμαρτυράμενος τοὺς σύνεγγυς · ὀφείλει γὰρ τοῦτο ποιεῖν · ἐὰν δὲ μηδὲν ᾖ τοιοῦτο γεγονός , εἰς τὸν ἔφοδον ἀναχωρεῖ
6.37.1
τὸ δὲ τῆς ξυλοκοπίας ἐστὶ τοιοῦτον . λαβὼν ξύλον ὁ χιλίαρχος τούτῳ τοῦ κατακριθέντος οἷον ἥψατο μόνον ,
6.37.3 οὗ γενομένου πάντες οἱ τοῦ στρατοπέδου τύπτοντες τοῖς ξύλοις καὶ τοῖς λίθοις τοὺς μὲν πλείστους ἐν αὐτῇ τῇ στρατοπεδείᾳ καταβάλλουσι ,
6.37.4 τοῖς δʼ ἐκπεσεῖν δυναμένοις οὐδʼ ὣς ὑπάρχει σωτηρία · πῶς γάρ ; οἷς οὔτʼ εἰς τὴν πατρίδα τὴν ἑαυτῶν ἐπανελθεῖν ἔξεστιν οὔτε τῶν ἀναγκαίων οὐδεὶς ἂν οἰκίᾳ τολμήσειε δέξασθαι τὸν τοιοῦτον . διὸ τελείως οἱ περιπεσόντες ἅπαξ τοιαύτῃ συμφορᾷ καταφθείρονται .
6.37.5 τὸ δʼ αὐτὸ πάσχειν ὀφείλει τοῖς προειρημένοις ὅ τʼ οὐραγὸς καὶ ὁ τῆς ἴλης ἡγεμών , ἐὰν μὴ παραγγείλωσιν , ὁ μὲν τοῖς ἐφόδοις , ὁ δὲ τῷ τῆς ἐχομένης ἴλης ἡγεμόνι , τὸ δέον ἐν τῷ καθήκοντι καιρῷ .
6.37.6 διόπερ οὕτως ἰσχυρᾶς οὔσης καὶ ἀπαραιτήτου τῆς τιμωρίας ἀδιάπτωτα γίνεται παρʼ αὐτοῖς τὰ κατὰ τὰς νυκτερινὰς φυλακάς .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 6.36.3 | Polyb. 6.37.2 (English) | >>Polyb. 6.37.10 |
