| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 6.40.9 | Polyb. 6.41.2 (English) | >>Polyb. 6.41.10 |
6.40.13 λοιπὸν ἐν βραχεῖ χρόνῳ καὶ μιᾷ κινήσει τὸ μὲν τῶν ὁπλιτῶν σύστημα λαμβάνει παρατάξεως διάθεσιν , ἐὰν μή ποτε προσεξελίξαι δέῃ τοὺς ἁστάτους ,
6.40.14 τὸ δὲ τῶν ὑποζυγίων καὶ τῶν παρεπομένων τούτοις πλῆθος , ὑπὸ τοὺς παρατεταγμένους ὑπεσταλκός , ἔχει τὴν καθήκουσαν χώραν πρὸς τὸν κίνδυνον .
6.41.1
οἵτινες ἐπειδὰν συνθεάσωνται τὸν ὅλον τόπον , οὗ δεῖ στρατοπεδεύειν , ἐν αὐτῷ τούτῳ πρῶτον μὲν διέλαβον τὴν τοῦ στρατηγοῦ σκηνὴν οὗ δεήσει θεῖναι κατὰ τὸν ἄρτι λόγον , καὶ παρὰ ποίαν ἐπιφάνειαν καὶ πλευρὰν τῆς περὶ τὴν σκηνὴν περιστάσεως παρεμβαλεῖν τὰ στρατόπεδα ·
6.41.3 τούτων δὲ προκριθέντων διαμετροῦνται τὴν περίστασιν τῆς σκηνῆς , μετὰ δὲ ταῦτα τὴν εὐθεῖαν , ἐφʼ ἧς αἱ σκηναὶ τίθενται τῶν χιλιάρχων , ἑξῆς δὲ τὴν ταύτης παράλληλον , ἀφʼ ἧς ἄρχεται τὰ στρατόπεδα παρεμβάλλειν .
6.41.4 ὁμοίως δὲ καὶ τὰ ἐπὶ θάτερα μέρη τῆς σκηνῆς κατεμετρήσαντο γραμμαῖς , περὶ ὧν ὑπεδείξαμεν ἄρτι διὰ πλειόνων κατὰ μέρος .
6.41.5 γενομένων δὲ τούτων ἐν βραχεῖ χρόνῳ διὰ τὸ ῥᾳδίαν εἶναι τὴν καταμέτρησιν , ὡς ἁπάντων ὡρισμένων καὶ συνήθων ὄντων διαστημάτων ,
6.41.6 μετὰ δὲ ταῦτα σημαίαν ἔπηξαν μίαν μὲν καὶ πρώτην , ἐν ᾧ δεῖ τόπῳ τίθεσθαι τὴν τοῦ στρατηγοῦ σκηνήν , δευτέραν δὲ τὴν ἐπὶ τῆς προκριθείσης πλευρᾶς , τρίτην ἐπὶ μέσης τῆς γραμμῆς ἐφʼ ἧς οἱ χιλίαρχοι σκηνοῦσι , τετάρτην , παρʼ ἣν τίθενται τὰ στρατόπεδα . καὶ ταύτας μὲν ποιοῦσι φοινικιᾶς ,
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 6.40.9 | Polyb. 6.41.2 (English) | >>Polyb. 6.41.10 |
