Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 6.42.3 | Polyb. 6.43.5 (English) | >>Polyb. 6.44.6 |
6.43.2 ἐγὼ δὲ ταύτας μὲν ἐῶ , τὴν γὰρ Ἀθηναίων καὶ Θηβαίων οὐ πάνυ τι πολλοῦ προσδεῖσθαι πέπεισμαι λόγου διὰ τὸ μήτε τὰς αὐξήσεις ἐσχηκέναι κατὰ λόγον μήτε τὰς ἀκμὰς ἐπιμόνους , μήτε τὰς μεταβολὰς ἐνηλλαχέναι μετρίως ,
6.43.3 ἀλλʼ ὥσπερ ἐκ προσπαίου τινὸς τύχης σὺν καιρῷ λάμψαντας , τὸ δὴ λεγόμενον , ἔτι δοκοῦντας ἀκμὴν καὶ μέλλοντας εὐτυχεῖν , τῆς ἐναντίας πεῖραν εἰληφέναι μεταβολῆς .
6.43.4 Θηβαῖοι μὲν γὰρ τῇ Λακεδαιμονίων ἀγνοίᾳ καὶ τῷ τῶν συμμάχων πρὸς αὐτοὺς μίσει συνεπιθέμενοι , διὰ τὴν ἑνὸς ἀνδρὸς ἀρετὴν ἢ καὶ δευτέρου , τῶν τὰ προειρημένα συνιδόντων , περιεποιήσαντο παρὰ τοῖς Ἕλλησι τὴν ἐπʼ ἀρετῇ φήμην .
6.43.5 ὅτι γὰρ οὐχ ἡ τῆς πολιτείας σύστασις αἰτία τότʼ ἐγένετο Θηβαίοις τῶν εὐτυχημάτων , ἀλλʼ ἡ τῶν προεστώτων ἀνδρῶν ἀρετή , παρὰ πόδας ἡ τύχη τοῦτο πᾶσιν ἐποίησε δῆλον ·
6.43.6 καὶ γὰρ συνηυξήθη καὶ συνήκμασε καὶ συγκατελύθη τὰ Θηβαίων ἔργα τῷ τʼ Ἐπαμινώνδου καὶ τῷ Πελοπίδου βίῳ προφανῶς .
6.43.7 ἐξ ὧν οὐ τὴν πολιτείαν αἰτίαν , ἀλλὰ τοὺς ἄνδρας ἡγητέον τῆς τότε
6.44.1
καὶ γὰρ αὕτη πλεονάκις μὲν ἴσως , ἐκφανέστατα δὲ τῇ Θεμιστοκλέους ἀρετῇ συνανθήσασα ταχέως τῆς ἐναντίας μεταβολῆς ἔλαβε πεῖραν διὰ τὴν ἀνωμαλίαν τῆς φύσεως .
Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 6.42.3 | Polyb. 6.43.5 (English) | >>Polyb. 6.44.6 |