| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 6.50.1 | Polyb. 6.51.2 (English) | >>Polyb. 6.52.1 |
6.50.5 δῆλον δὲ τοῦτʼ ἐξ αὐτῶν γέγονε τῶν πραγμάτων . Λακεδαιμόνιοι μὲν γὰρ ὁρμήσαντες ἐπὶ τὸ κατακτᾶσθαι τὴν τῶν Ἑλλήνων ἡγεμονίαν , ταχέως ἐκινδύνευσαν καὶ περὶ τῆς σφετέρας ἐλευθερίας ·
6.50.6 Ῥωμαῖοι δὲ τῆς Ἰταλιωτῶν αὐτῶν ἐπιλαβόμενοι δυναστείας , ἐν ὀλίγῳ χρόνῳ πᾶσαν ὑφʼ ἑαυτοὺς ἐποιήσαντο τὴν οἰκουμένην , οὐ μικρὰ πρὸς τὸ καθικέσθαι τῆς πράξεως ταύτης συμβαλλομένης αὐτοῖς τῆς εὐπορίας καὶ τῆς ἑτοιμότητος τῆς κατὰ τὰς χορηγίας .
6.51.1
καὶ γὰρ βασιλεῖς ἦσαν παρʼ αὐτοῖς , καὶ τὸ γερόντιον εἶχε τὴν ἀριστοκρατικὴν ἐξουσίαν , καὶ τὸ πλῆθος ἦν κύριον τῶν καθηκόντων αὐτῷ · καθόλου δὲ τὴν τῶν ὅλων ἁρμογὴν εἶχε παραπλησίαν τῇ Ῥωμαίων καὶ Λακεδαιμονίων .
6.51.3 κατά γε μὴν τοὺς καιροὺς τούτους , καθʼ οὓς εἰς τὸν Ἀννιβιακὸν ἐνέβαινε πόλεμον , χεῖρον ἦν τὸ Καρχηδονίων , ἄμεινον δὲ τὸ Ῥωμαίων .
6.51.4 ἐπειδὴ γὰρ παντὸς καὶ σώματος καὶ πολιτείας καὶ πράξεώς ἐστί τις αὔξησις κατὰ φύσιν , μετὰ δὲ ταύτην ἀκμή , κἄπειτα φθίσις , κράτιστα δʼ αὑτῶν ἐστι πάντα τὰ κατὰ τὴν ἀκμήν , παρὰ τοῦτο καὶ τότε διέφερεν ἀλλήλων τὰ πολιτεύματα .
6.51.5 καθʼ ὅσον γὰρ ἡ Καρχηδονίων πρότερον ἴσχυε καὶ πρότερον εὐτύχει τῆς Ῥωμαίων , κατὰ τοσοῦτον ἡ μὲν Καρχηδὼν ἤδη τότε παρήκμαζεν , ἡ δὲ Ῥώμη μάλιστα τότʼ εἶχε τὴν ἀκμὴν κατά γε τὴν τῆς πολιτείας σύστασιν .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 6.50.1 | Polyb. 6.51.2 (English) | >>Polyb. 6.52.1 |
