Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 6.51.1 | Polyb. 6.52.1 (English) | >>Polyb. 6.52.8 |
6.51.5 καθʼ ὅσον γὰρ ἡ Καρχηδονίων πρότερον ἴσχυε καὶ πρότερον εὐτύχει τῆς Ῥωμαίων , κατὰ τοσοῦτον ἡ μὲν Καρχηδὼν ἤδη τότε παρήκμαζεν , ἡ δὲ Ῥώμη μάλιστα τότʼ εἶχε τὴν ἀκμὴν κατά γε τὴν τῆς πολιτείας σύστασιν .
6.51.6 διὸ καὶ τὴν πλείστην δύναμιν ἐν τοῖς διαβουλίοις παρὰ μὲν Καρχηδονίοις ὁ δῆμος ἤδη μετειλήφει , παρὰ δὲ Ῥωμαίοις ἀκμὴν εἶχεν ἡ σύγκλητος .
6.51.7 ὅθεν παρʼ οἷς μὲν τῶν πολλῶν βουλευομένων , παρʼ οἷς δὲ τῶν ἀρίστων , κατίσχυε τὰ Ῥωμαίων διαβούλια περὶ τὰς κοινὰς πράξεις .
6.51.8 ᾗ καὶ πταίσαντες τοῖς ὅλοις τῷ βουλεύεσθαι καλῶς τέλος ἐπεκράτησαν τῷ πολέμῳ τῶν Καρχηδονίων .
6.52.1
τὸ δὲ περὶ τὰς πεζικὰς χρείας πολὺ δή τι Ῥωμαῖοι πρὸς τὸ βέλτιον ἀσκοῦσι Καρχηδονίων .
6.52.3 οἱ μὲν γὰρ τὴν ὅλην περὶ τοῦτο ποιοῦνται σπουδήν , Καρχηδόνιοι δὲ τῶν μὲν πεζικῶν εἰς τέλος ὀλιγωροῦσι , τῶν δʼ ἱππικῶν βραχεῖάν τινα ποιοῦνται πρόνοιαν .
6.52.4 αἴτιον δὲ τούτων ἐστὶν ὅτι ξενικαῖς καὶ μισθοφόροις χρῶνται δυνάμεσι , Ῥωμαῖοι δʼ ἐγχωρίοις καὶ πολιτικαῖς .
Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 6.51.1 | Polyb. 6.52.1 (English) | >>Polyb. 6.52.8 |