| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 6.53.2 | Polyb. 6.53.8 (English) | >>Polyb. 6.54.5 |
6.53.6 ταύτας δὴ τὰς εἰκόνας ἔν τε ταῖς δημοτελέσι θυσίαις ἀνοίγοντες κοσμοῦσι φιλοτίμως , ἐπάν τε τῶν οἰκείων μεταλλάξῃ τις ἐπιφανής , ἄγουσιν εἰς τὴν ἐκφοράν , περιτιθέντες ὡς ὁμοιοτάτοις εἶναι δοκοῦσι κατά τε τὸ μέγεθος καὶ τὴν ἄλλην περικοπήν .
6.53.7 οὗτοι δὲ προσαναλαμβάνουσιν ἐσθῆτας , ἐὰν μὲν ὕπατος ἢ στρατηγὸς ᾖ γεγονώς , περιπορφύρους , ἐὰν δὲ τιμητής , πορφυρᾶς , ἐὰν δὲ καὶ τεθριαμβευκὼς ἤ τι τοιοῦτον κατειργασμένος , διαχρύσους .
6.53.8 αὐτοὶ μὲν οὖν ἐφʼ ἁρμάτων οὗτοι πορεύονται , ῥάβδοι δὲ καὶ πελέκεις καὶ τἄλλα τὰ ταῖς ἀρχαῖς εἰωθότα συμπαρακεῖσθαι προηγεῖται κατὰ τὴν ἀξίαν ἑκάστῳ τῆς γεγενημένης κατὰ τὸν βίον ἐν τῇ πολιτείᾳ προαγωγῆς ὅταν δʼ ἐπὶ τοὺς ἐμβόλους ἔλθωσι ,
6.53.9 καθέζονται πάντες ἑξῆς ἐπὶ δίφρων ἐλεφαντίνων . οὗ κάλλιον οὐκ εὐμαρὲς ἰδεῖν θέαμα νέῳ φιλοδόξῳ καὶ φιλαγάθῳ ·
6.53.10 τὸ γὰρ τὰς τῶν ἐπʼ ἀρετῇ δεδοξασμένων ἀνδρῶν εἰκόνας ἰδεῖν ὁμοῦ πάσας οἷον εἰ ζώσας καὶ πεπνυμένας τίνʼ οὐκ ἂν παραστήσαι ; τί δʼ ἂν κάλλιον
6.54.1
ἐξ ὧν καινοποιουμένης ἀεὶ τῶν ἀγαθῶν ἀνδρῶν τῆς ἐπʼ ἀρετῇ φήμης ἀθανατίζεται μὲν ἡ τῶν καλόν τι διαπραξαμένων εὔκλεια , γνώριμος δὲ τοῖς πολλοῖς καὶ παραδόσιμος τοῖς ἐπιγινομένοις ἡ τῶν εὐεργετησάντων τὴν πατρίδα γίνεται δόξα . τὸ δὲ μέγιστον ,
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 6.53.2 | Polyb. 6.53.8 (English) | >>Polyb. 6.54.5 |
