| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 6.56.6 | Polyb. 6.56.14 (English) | >>Polyb. 6.57.5 |
6.56.12 διόπερ οἱ παλαιοὶ δοκοῦσί μοι τὰς περὶ θεῶν ἐννοίας καὶ τὰς ὑπὲρ τῶν ἐν ᾅδου διαλήψεις οὐκ εἰκῇ καὶ ὡς ἔτυχεν εἰς τὰ πλήθη παρεισαγαγεῖν , πολὺ δὲ μᾶλλον οἱ νῦν εἰκῇ καὶ ἀλόγως ἐκβάλλειν αὐτά .
6.56.13 τοιγαροῦν χωρὶς τῶν ἄλλων οἱ τὰ κοινὰ χειρίζοντες παρὰ μὲν τοῖς Ἕλλησιν , ἐὰν ταλάντου μόνον πιστευθῶσιν , ἀντιγραφεῖς ἔχοντες δέκα καὶ σφραγῖδας τοσαύτας καὶ μάρτυρας διπλασίους οὐ δύνανται τηρεῖν τὴν πίστιν ·
6.56.14 παρὰ δὲ Ῥωμαίοις κατά τε τὰς ἀρχὰς καὶ πρεσβείας πολύ τι πλῆθος χρημάτων χειρίζοντες διʼ αὐτῆς τῆς κατὰ τὸν ὅρκον πίστεως τηροῦσι τὸ καθῆκον .
6.56.15 καὶ παρὰ μὲν τοῖς ἄλλοις σπάνιόν ἐστιν εὑρεῖν ἀπεχόμενον ἄνδρα τῶν δημοσίων καὶ καθαρεύοντα περὶ ταῦτα · παρὰ δὲ τοῖς Ῥωμαίοις σπάνιόν ἐστι τὸ λαβεῖν τινα πεφωραμένον ἐπὶ τοιαύτῃ πράξει . Cod. Urb. habet
haec v. p. 264, 17. 293, 5 cum antecedentibus arcte
cohaerentia exc. ant. p. 188.
VIII. Conclusio Disputationis de Romanorum Re Publica
6.57.1
δυεῖν δὲ τρόπων ὄντων , καθʼ οὓς φθείρεσθαι πέφυκε πᾶν γένος πολιτείας , τοῦ μὲν ἔξωθεν , τοῦ δʼ ἐν αὐτοῖς φυομένου , τὸν μὲν ἐκτὸς ἄστατον ἔχειν συμβαίνει τὴν θεωρίαν , τὸν δʼ ἐξ αὐτῶν τεταγμένην .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 6.56.6 | Polyb. 6.56.14 (English) | >>Polyb. 6.57.5 |
