| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 7.13.4 | Polyb. 7.14.3 (English) | >>Polyb. 7.14c.1 |
7.13.8 τούτου δʼ ἐναργέστερον ἔτι δεῖγμα τῆς ἑκατέρου γνώμης τὸ περὶ τῆς ἄκρας συμβούλευμα πρὸς τὸ μηδὲ περὶ τῶν κατʼ
7.14.1
καθάπερ γὰρ νῦν Φίλιππος πεισθεὶς Ἀράτῳ διεφύλαξε τὴν πρὸς Μεσσηνίους πίστιν ἐν τοῖς κατὰ τὴν ἄκραν , καὶ μεγάλῳ , τὸ δὴ λεγόμενον , ἕλκει τῷ προγεγονότι περὶ τὰς σφαγὰς μικρὸν ἴαμα προσέθηκεν ,
7.14.3 οὕτως ἐν τοῖς κατʼ Αἰτωλοὺς Δημητρίῳ κατακολουθήσας ἠσέβει μὲν εἰς τοὺς θεούς , τὰ καθιερωμένα τῶν ἀναθημάτων διαφθείρων , ἡμάρτανε δὲ περὶ τοὺς ἀνθρώπους , ὑπερβαίνων τοὺς τοῦ πολέμου νόμους , ἠστόχει δὲ τῆς σφετέρας προαιρέσεως , ἀπαραίτητον καὶ πικρὸν ἑαυτὸν ἀποδεικνύων ἐχθρὸν τοῖς διαφερομένοις .
7.14.4 ὁ δʼ αὐτὸς λόγος καὶ περὶ τῶν κατὰ Κρήτην · καὶ γὰρ ἐπʼ ἐκείνων Ἀράτῳ μὲν καθηγεμόνι χρησάμενος περὶ τῶν ὅλων , οὐχ οἷον ἀδικήσας , ἀλλʼ οὐδὲ λυπήσας οὐδένα τῶν κατὰ τὴν νῆσον , ἅπαντας μὲν εἶχε τοὺς Κρηταιεῖς ὑποχειρίους , ἅπαντας δὲ τοὺς Ἕλληνας εἰς τὴν πρὸς αὑτὸν εὔνοιαν ἐπήγετο διὰ τὴν σεμνότητα τῆς προαιρέσεως .
7.14.5 οὕτω πάλιν ἐπακολουθήσας Δημητρίῳ καὶ παραίτιος γενόμενος Μεσσηνίοις τῶν ἄρτι ῥηθέντων ἀτυχημάτων , ἅμα τὴν παρὰ τοῖς συμμάχοις εὔνοιαν καὶ τὴν παρὰ τοῖς ἄλλοις Ἕλλησιν ἀπέβαλε πίστιν .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 7.13.4 | Polyb. 7.14.3 (English) | >>Polyb. 7.14c.1 |
