| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 7.16.3 | Polyb. 7.17.1 (English) | >>Polyb. 7.17.7 |
7.16.6 δισχιλίους δὲ τοὺς κατόπιν ἀκολουθήσοντας τούτοις , οὓς συνεισπεσόντας ἔδει καταλαβέσθαι τὴν τοῦ θεάτρου στεφάνην , εὐφυῶς κειμένην πρός τε τοὺς ἐκ τῆς ἄκρας καὶ πρὸς τοὺς ἐκ τῆς πόλεως .
7.16.7 τοῦ δὲ μὴ γενέσθαι μηδεμίαν ὑποψίαν τῆς ἀληθείας διὰ τὴν ἐπιλογὴν τῶν ἀνδρῶν , διέδωκε λόγον ὡς τοὺς Αἰτωλοὺς μέλλοντας εἰσπίπτειν διά τινος φάραγγος εἰς τὴν πόλιν , καὶ δέον ἐνεργῶς τούτους παραφυλάξαι πρὸς τὸ μηνυθέν .
7.17.1
καὶ τῶν μὲν φυλάκων ἀπολυομένων ἀπὸ τοῦ τόπου τούτου , τοῦ δὲ βασιλέως κατὰ τὸν ἐθισμὸν τοὺς μὲν εἰς τὰς ἐφεδρείας ἐκπέμποντος , τοὺς δὲ πολλοὺς εἰς τὸν ἱππόδρομον ἐξαγαγόντος καὶ παρατάττοντος , τὸ μὲν πρῶτον ἀνύποπτον ἦν πᾶσι τὸ γενόμενον .
7.17.3 προστεθεισῶν δὲ δυεῖν κλιμάκων , καὶ διʼ ἧς μὲν Διονυσίου , διʼ ἧς δὲ Λαγόρα πρῶτον πορευομένων , ἐγίνετο ταραχὴ καὶ κίνημα περὶ τὸ στρατόπεδον .
7.17.4 συνέβαινε γὰρ τοῖς μὲν ἐκ τῆς πόλεως καὶ τοῖς περὶ τὸν Ἀχαιὸν ἐκ τῆς ἄκρας ἀδήλους εἶναι τοὺς προσβαίνοντας διὰ τῆς προπεπτωκυίας ἐπὶ τὸν κρημνὸν ὀφρύος · τοῖς δʼ ἐκ τοῦ στρατοπέδου σύνοπτος ἦν ἡ τόλμα τῶν ἀναβαινόντων καὶ παραβαλλομένων .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 7.16.3 | Polyb. 7.17.1 (English) | >>Polyb. 7.17.7 |
