| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 7.4.4 | Polyb. 7.5.3 (English) | >>Polyb. 7.6.1 |
7.4.8 τὴν μὲν οὖν ὅλην ἀκαταστασίαν καὶ μανίαν καλῶς συνθεώμενοι Καρχηδόνιοι τοῦ μειρακίου , νομίζοντες δὲ κατὰ πολλοὺς τρόπους συμφέρειν σφίσι τὸ μὴ προέσθαι τὰ κατὰ τὴν Σικελίαν ,
7.4.9 ἐκείνῳ μὲν ἅπαντα συγκατένευον , αὐτοὶ δὲ καὶ πρότερον ἤδη παρασκευασάμενοι ναῦς καὶ στρατιώτας , ἐγίνοντο πρὸς τὸ διαβιβάζειν τὰς
7.5.1
ὑπὲρ ὧν Ἱερώνυμος ἁθροίσας τὸ συνέδριον ἀνέδωκε διαβούλιον τί δεῖ ποιεῖν .
7.5.3 οἱ μὲν οὖν ἐγχώριοι τὴν ἡσυχίαν ἦγον , δεδιότες τὴν τοῦ προεστῶτος ἀκρισίαν · Ἀριστόμαχος δʼ ὁ Κορίνθιος καὶ Δάμιππος ὁ Λακεδαιμόνιος καὶ Αὐτόνους ὁ Θετταλὸς ἠξίουν ἐμμένειν ταῖς πρὸς Ῥωμαίους συνθήκαις .
7.5.4 Ἀδρανόδωρος δὲ μόνος οὐκ ἔφη δεῖν παριέναι τὸν καιρόν · εἶναι δὲ τὸν ἐνεστῶτα μόνον ἐν ᾧ κατακτήσασθαι δυνατόν ἐστι τὴν τῆς Σικελίας ἀρχήν .
7.5.5 τοῦ δὲ ταῦτʼ εἰπόντος , ἤρετο τοὺς περὶ τὸν Ἱπποκράτην ποίας μετέχουσι γνώμης . τῶν δὲ φησάντων τῆς Ἀδρανοδώρου , πέρας εἶχε τὸ διαβούλιον . καὶ τὰ μὲν τοῦ πολέμου τοῦ πρὸς Ῥωμαίους ἐκεκύρωτο τὸν τρόπον τοῦτον ·
7.5.6 βουλόμενος δὲ μὴ σκαιῶς δοκεῖν ἀποκρίνεσθαι τοῖς πρεσβευταῖς , εἰς τηλικαύτην ἀστοχίαν ἐνέπεσε διʼ ἧς τοῖς Ῥωμαίοις οὐ μόνον δυσαρεστήσειν , ἀλλὰ καὶ προσκόπτειν ἔμελλε προφανῶς .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 7.4.4 | Polyb. 7.5.3 (English) | >>Polyb. 7.6.1 |
