Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 7.5.2 | Polyb. 7.6.2 (English) | >>Polyb. 7.7.1 |
7.5.7 ἔφη γὰρ ἐμμενεῖν ἐν ταῖς συνθήκαις , ἐὰν αὐτῷ πρῶτον μὲν τὸ χρυσίον ἀποδῶσι πᾶν , ὃ παρʼ Ἱέρωνος ἔλαβον τοῦ πάππου , δεύτερον δὲ τὸν σῖτον ἐκ παντὸς ἀποκαταστήσωσι τοῦ χρόνου καὶ τὰς ἄλλας δωρεάς , ἃς εἶχον παρʼ ἐκείνου , τὸ δὲ τρίτον ὁμολογήσωσι τὴν ἐντὸς Ἱμέρα ποταμοῦ χώραν καὶ πόλεις εἶναι Συρακοσίων .
7.5.8 οἱ μὲν οὖν πρεσβευταὶ καὶ τὸ συνέδριον ἐπὶ τούτοις ἐχωρίσθησαν · οἱ δὲ περὶ τὸν Ἱερώνυμον ἀπὸ τούτων τῶν καιρῶν ἐνήργουν τὰ τοῦ πολέμου , καὶ τάς τε δυνάμεις ἥθροιζον καὶ καθώπλιζον τάς τε λοιπὰς χορηγίας ἡτοίμαζον . Exc. De legat. p. 1.
7.6.1
ἔστι δὲ διὰ μέσης αὐτῆς αὐλὼν ἐπίπεδος , ἐν ᾧ συμβαίνει τάς τε τῶν ἀρχείων καὶ δικαστηρίων κατασκευὰς καὶ καθόλου τὴν ἀγορὰν ὑπάρχειν .
7.6.3 τοῦ δʼ αὐλῶνος παρʼ ἑκατέραν τὴν πλευρὰν παρήκει λόφος , ἔχων ἀπορρῶγα συνεχῆ · τὰ δʼ ἐπίπεδα τῶν λόφων τούτων ὑπὲρ τὰς ὀφρῦς οἰκιῶν ἐστι πλήρη καὶ ναῶν .
7.6.4 δύο δʼ ἔχει πυλῶνας ἡ πόλις , ὧν ὁ μὲν ἐπὶ τοῦ πρὸς μεσημβρίαν πέρατός ἐστιν οὗ προεῖπον αὐλῶνος , φέρων ἐπὶ Συρακούσας , ὁ δʼ ἕτερος ἐπὶ τοῦ πρὸς ἄρκτους , ἄγων ἐπὶ τὰ Λεοντῖνα καλούμενα πεδία καὶ τὴν γεωργήσιμον χώραν .
Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 7.5.2 | Polyb. 7.6.2 (English) | >>Polyb. 7.7.1 |