| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 8.1.1 | Polyb. 8.1.8 (English) | >>Polyb. 8.2.7 |
8.1.4 ὃ καὶ μάλιστʼ ἄν τις εἰς τὸ κατὰ μέρος ἐμβλέψας θαυμάσειε . δύο μὲν γὰρ Ῥωμαίοις κατὰ τὴν Ἰταλίαν μετὰ τῶν ὑπάτων ἐντελῆ προεκάθητο στρατόπεδα , δύο δὲ κατὰ τὴν Ἰβηρίαν , ὧν τὸ μὲν πεζὸν Γνάϊος εἶχε , τὸ δὲ ναυτικὸν Πόπλιος .
8.1.5 οἰκείως δὲ ταῦτα συνέβαινε γίνεσθαι καὶ παρὰ Καρχηδονίοις .
8.1.6 καὶ μὴν τοῖς κατὰ τὴν Ἑλλάδα τόποις ἐφώρμει καὶ ταῖς ἐπιβολαῖς τοῦ Φιλίππου στόλος , ἐφʼ οὗ τὸ μὲν πρῶτον Μάρκος Οὐαλέριος , μετὰ δὲ ταῦτα Πόπλιος ἐπέπλει Σουλπίκιος .
8.1.7 ἅμα δὲ τούτοις Ἄππιος μὲν ἑκατὸν πεντηρικοῖς σκάφεσι , Μάρκος δὲ Κλαύδιος πεζικὰς ἔχων δυνάμεις , ἐφήδρευε τοῖς κατὰ τὴν Σικελίαν .
8.1.8 τὸ δʼ αὐτὸ τοῦτʼ Ἀμίλκας ἐποίει παρὰ Καρχηδονίοις .
8.2.1
τοῦτο δʼ ἦν ὡς οὐχ οἷόν τε διὰ τῶν τὰς κατὰ μέρος ἱστορίας γραφόντων συνθεάσασθαι τὴν τῶν ὅλων οἰκονομίαν .
8.2.3 πῶς γὰρ ἐνδέχεται ψιλῶς αὐτὰς καθʼ αὑτὰς ἀναγνόντα τὰς Σικελικὰς ἢ τὰς Ἰβηρικὰς πράξεις , γνῶναι καὶ μαθεῖν ἢ τὸ μέγεθος τῶν γεγονότων ἢ τὸ συνέχον , τίνι τρόπῳ καὶ τίνι γένει πολιτείας τὸ παραδοξότατον καθʼ ἡμᾶς ἔργον ἡ τύχη συνετέλεσε ;
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 8.1.1 | Polyb. 8.1.8 (English) | >>Polyb. 8.2.7 |
