| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 8.24.6 | Polyb. 8.25.1 (English) | >>Polyb. 8.25.8 |
8.24.11 πραξάντων δὲ τῶν περὶ τὸν Νίκωνα τὸ παραγγελθέν , ὁ μὲν Ἀννίβας περιχαρὴς ἦν διὰ τὸ μόλις ἀφορμῆς ἐπειλῆφθαι πρὸς τὴν προκειμένην ἐπιβολήν ,
8.24.12 οἱ δὲ περὶ τὸν Φιλήμενον ἔτι μᾶλλον παρώρμηντο πρὸς τὴν πρᾶξιν διὰ τὸ καὶ τὴν ἔντευξιν ἀσφαλῶς γεγονέναι καὶ τὸν Ἀννίβαν ηὑρηκέναι πρόθυμον , ἔτι δὲ τὴν τῆς λείας δαψίλειαν ἱκανὴν αὐτοῖς πίστιν παρεσκευακέναι πρὸς τοὺς ἰδίους .
8.24.13 διότι τὰ μὲν ἀποδόμενοι , τὰ δʼ εὐωχούμενοι τῆς λείας , οὐ μόνον ἐπιστεύοντο παρὰ τοῖς Ταραντίνοις , ἀλλὰ καὶ ζηλωτὰς ἔσχον οὐκ ὀλίγους .
8.25.1
ἐφʼ ᾧ Ταραντίνους ἐλευθερώσειν καὶ μήτε φόρους πράξεσθαι κατὰ μηδένα τρόπον μήτʼ ἄλλο μηδὲν ἐπιτάξειν Ταραντίνοις Καρχηδονίους , τὰς δὲ τῶν Ῥωμαίων οἰκίας καὶ καταλύσεις , ἐπειδὰν κρατήσωσι τῆς πόλεως , ἐξεῖναι Καρχηδονίοις διαρπάζειν .
8.25.3 ἐποιήσαντο δὲ καὶ σύνθημα τοῦ παραδέχεσθαι σφᾶς τοὺς φύλακας ἑτοίμως εἰς τὴν παρεμβολήν , ὅτʼ ἔλθοιεν .
8.25.4 ὧν γενομένων ἔλαβον ἐξουσίαν εἰς τὸ καὶ πλεονάκις συμμιγνύναι τοῖς περὶ τὸν Ἀννίβαν , ποτὲ μὲν ὡς ἐπʼ ἐξοδείαν , ποτὲ δὲ πάλιν ὡς ἐπὶ κυνηγίαν ποιούμενοι τὰς ἐκ τῆς πόλεως ἐξόδους .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 8.24.6 | Polyb. 8.25.1 (English) | >>Polyb. 8.25.8 |
