| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 8.28.5 | Polyb. 8.29.1 (English) | >>Polyb. 8.29.7 |
8.28.11 βουλόμενοι φθάσαι φονεύσαντες τοὺς ἐπὶ τοῦ πυλῶνος τεταγμένους , διὰ τὸ συγκεῖσθαι καὶ σχολῇ καὶ βάδην ποιεῖσθαι τὴν πορείαν τοὺς Καρχηδονίους .
8.28.12 εὐροήσαντος δὲ τοῦ πράγματος , καὶ προκαταληφθέντων τῶν φυλαττόντων , οἱ μὲν ἐφόνευον τούτους , οἱ δὲ διέκοπτον τοὺς μοχλούς .
8.28.13 ταχὺ δὲ τῶν πυλῶν ἀνοιχθεισῶν , πρὸς τὸν δέοντα καιρὸν ἧκον οἱ περὶ τὸν Ἀννίβαν , κεχρημένοι τῇ πορείᾳ συμμέτρως , ὥστε μηδεμίαν ἐπίστασιν γενέσθαι παρʼ ὁδὸν ἐπὶ τὴν πόλιν .
8.29.1
τούς γε μὴν ἱππεῖς ἀπέλειπον ἐκτὸς τοῦ τείχους , ὄντας οὐκ ἐλάττους δισχιλίων , θέλοντες ἐφεδρείαν αὑτοῖς ὑπάρχειν ταύτην πρός τε τὰς ἔξωθεν ἐπιφανείας καὶ πρὸς τὰ παράλογα τῶν ἐν ταῖς τοιαύταις ἐπιβολαῖς συμβαινόντων .
8.29.3 ἐγγίσαντες δὲ τοῖς περὶ τὴν ἀγορὰν τόποις τὴν μὲν δύναμιν ἐπέστησαν κατὰ πορείαν , αὐτοὶ δὲ καὶ τὸν Φιλήμενον ἐκαραδόκουν , δεδιότες πῶς σφίσι προχωρήσει καὶ τοῦτο τὸ μέρος τῆς ἐπιβολῆς .
8.29.4 ὅτε γὰρ ἀνάψαντες τὸ πῦρ ἔμελλον πρὸς τὰς πύλας ὁρμᾶν , τότε καὶ τὸν Φιλήμενον , ἔχοντα τὸν ὗν ἐν φερέτρῳ καὶ Λίβυας ὡς εἰ χιλίους ἐξαπέστειλαν ἐπὶ τὴν παρακειμένην πύλην , βουλόμενοι κατὰ τὴν ἐξ ἀρχῆς πρόθεσιν μὴ ψιλῶς ἐκ μιᾶς ἐλπίδος ἐξηρτῆσθαι τὴν ἐπιβολὴν αὐτῶν , ἀλλʼ ἐκ πλειόνων .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 8.28.5 | Polyb. 8.29.1 (English) | >>Polyb. 8.29.7 |
