| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 8.30.7 | Polyb. 8.31.1 (English) | >>Polyb. 8.32.2 |
8.30.10
διὰ μὲν γὰρ τὴν σάλπιγγα καὶ τὸ μηδὲν ἀδίκημα γίνεσθαι μηδʼ ἁρπαγὴν κατὰ τὴν πόλιν , ἔδοξαν ἐξ αὐτῶν τῶν Ῥωμαίων εἶναι τὸ κίνημα .
8.30.12 τὸ δὲ πολλοὺς αὐτῶν ὁρᾶν πεφονευμένους ἐν ταῖς πλατείαις , καί τινας τῶν Γαλατῶν θεωρεῖσθαι σκυλεύοντας τοὺς τῶν Ῥωμαίων νεκρούς , ὑπέτρεχέ τις ἔννοια τῆς τῶν Καρχηδονίων παρουσίας .
8.31.1
οἱ δὲ νεανίσκοι περιπορευόμενοι τὴν πόλιν ἐβόων ἐπὶ τὴν ἐλευθερίαν , καὶ παρεκάλουν θαρρεῖν , ὡς ὑπὲρ ἐκείνων παρόντας τοὺς Καρχηδονίους .
8.31.3 ὅσοι μὲν οὖν τῶν Ταραντίνων προκατείχοντο τῇ πρὸς τοὺς Ῥωμαίους εὐνοίᾳ , γνόντες ἀπεχώρουν εἰς τὴν ἄκραν · οἱ δὲ λοιποὶ κατὰ τὸ κήρυγμα συνηθροίζοντο χωρὶς τῶν ὅπλων , πρὸς οὓς Ἀννίβας φιλανθρώπους διελέχθη λόγους .
8.31.4 τῶν δὲ Ταραντίνων ὁμοθυμαδὸν ἐπισημηναμένων ἕκαστα τῶν λεγομένων διὰ τὸ παράδοξον τῆς ἐλπίδος , τότε μὲν διαφῆκε τοὺς πολλούς , συντάξας ἕκαστον εἰς τὴν ἰδίαν οἰκίαν ἐπανελθόντας μετὰ σπουδῆς ἐπὶ τὴν θύραν ἐπιγράψαι ΤΑΡΑΝΤΙΝΟΥ .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 8.30.7 | Polyb. 8.31.1 (English) | >>Polyb. 8.32.2 |
