| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 8.31.1 | Polyb. 8.32.2 (English) | >>Polyb. 8.33.2 |
8.31.5 τῷ δʼ ἐπὶ τὴν Ῥωμαϊκὴν κατάλυσιν ἐπιγράψαντι ταὐτὸ τοῦτο θάνατον ὥρισε τὴν ζημίαν .
8.31.6 αὐτὸς δὲ διελὼν τοὺς ἐπιτηδειοτάτους τῶν ἐπὶ τῶν πραγμάτων ἐφῆκε διαρπάζειν τὰς τῶν Ῥωμαίων οἰκίας , σύνθημα δοὺς πολεμίας νομίζειν τὰς ἀνεπιγράφους , τοὺς δὲ λοιποὺς συνέχων ἐν τάξει τούτοις ἐφέδρους .
8.32.1
τότε μὲν ἐπὶ τῶν ὅπλων ηὐλίσθησαν , εἰς δὲ τὴν ἐπιοῦσαν ἡμέραν Ἀννίβας συνεδρεύσας μετὰ τῶν Ταραντίνων ἔκρινε διατειχίσαι τὴν πόλιν ἀπὸ τῆς ἄκρας , ἵνα μηδεὶς ἔτι φόβος ἐπικάθηται τοῖς Ταραντίνοις ἀπὸ τῶν κατεχόντων τὴν ἀκρόπολιν Ῥωμαίων .
8.32.3 πρῶτον μὲν οὖν ἐπεβάλετο προθέσθαι χάρακα παράλληλον τῷ τείχει τῆς ἀκροπόλεως καὶ τῇ πρὸ τούτου τάφρῳ .
8.32.4 σαφῶς δὲ γινώσκων οὐκ ἐάσοντας τοὺς ὑπεναντίους , ἀλλʼ ἐναποδειξομένους τῇδέ πῃ τὴν αὑτῶν δύναμιν , ἡτοίμασε χεῖρας ἐπιτηδειοτάτας , νομίζων πρὸς τὸ μέλλον οὐδὲν ἀναγκαιότερον εἶναι τοῦ καταπλήξασθαι μὲν τοὺς Ῥωμαίους , εὐθαρσεῖς δὲ ποιῆσαι τοὺς Ταραντίνους .
8.32.5 ἅμα δὲ τῷ τίθεσθαι τὸν πρῶτον χάρακα θρασέως τῶν Ῥωμαίων καὶ τετολμηκότως ἐπιχειρούντων τοῖς ὑπεναντίοις , βραχὺ συμμίξας Ἀννίβας καὶ τὰς ὁρμὰς τῶν προειρημένων ἐκκαλεσάμενος , ἐπεὶ προέπεσον οἱ πλείους ἐκτὸς τῆς τάφρου , δοὺς παράγγελμα τοῖς αὑτοῦ προσέβαλε τοῖς πολεμίοις .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 8.31.1 | Polyb. 8.32.2 (English) | >>Polyb. 8.33.2 |
