| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 8.4.3 | Polyb. 8.4.9 (English) | >>Polyb. 8.5.6 |
8.4.6 λοιπὸν ὅταν ἐγγίσωσι τῆς χρείας , ἐνδεδεμένων τῶν κάλων εἰς τὴν κορυφὴν τῆς κλίμακος , ἕλκουσι διὰ τῶν τροχιλιῶν τούτους ἑστῶτες ἐν ταῖς πρύμναις · ἕτεροι δὲ παραπλησίως ἐν ταῖς πρώρραις ἐξερείδοντες ταῖς ἀντηρίσιν ἀσφαλίζονται τὴν ἄρσιν τοῦ μηχανήματος .
8.4.7 κἄπειτα διὰ τῆς εἰρεσίας τῆς ἀφʼ ἑκατέρου τῶν ἐκτὸς ταρσῶν ἐγγίσαντες τῇ γῇ τὰς ναῦς , πειράζουσι προσερείδειν τῷ τείχει τὸ προειρημένον ὄργανον .
8.4.8 ἐπὶ δὲ τῆς κλίμακος ἄκρας ὑπάρχει πέτευρον ἠσφαλισμένον γέρροις τὰς τρεῖς ἐπιφανείας , ἐφʼ οὗ τέτταρες ἄνδρες ἐπιβεβηκότες ἀγωνίζονται , διαμαχόμενοι πρὸς τοὺς εἴργοντας ἀπὸ τῶν ἐπάλξεων τὴν πρόσθεσιν τῆς σαμβύκης .
8.4.9 ἐπὰν δὲ προσερείσαντες ὑπερδέξιοι γένωνται τοῦ τείχους , οὗτοι μὲν τὰ πλάγια τῶν γέρρων παραλύσαντες ἐξ ἑκατέρου τοῦ μέρους ἐπιβαίνουσιν ἐπὶ τὰς ἐπάλξεις ἢ τοὺς πύργους .
8.4.10 οἱ δὲ λοιποὶ διὰ τῆς σαμβύκης ἕπονται τούτοις , ἀσφαλῶς τοῖς κάλοις βεβηκυίας τῆς κλίμακος εἰς ἀμφοτέρας τὰς ναῦς .
8.4.11 εἰκότως δὲ τὸ κατασκεύασμα τῆς προσηγορίας τέτευχε ταύτης · ἐπειδὰν γὰρ ἐξαρθῇ , γίνεται τὸ σχῆμα τῆς νεὼς ταύτης καὶ τῆς κλίμακος ἑνοποιηθὲν παραπλήσιον σαμβύκῃ .
8.5.1
ὁ δὲ προειρημένος ἀνήρ , παρεσκευασμένος ὄργανα πρὸς ἅπαν ἐμβελὲς διάστημα , πόρρωθεν μὲν ἐπιπλέοντας τοῖς εὐτονωτέροις καὶ μείζοσι λιθοβόλοις καὶ βέλεσι τιτρώσκων εἰς ἀπορίαν ἐνέβαλε καὶ δυσχρηστίαν ,
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 8.4.3 | Polyb. 8.4.9 (English) | >>Polyb. 8.5.6 |
