| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 8.5.7 | Polyb. 8.6.2 (English) | >>Polyb. 8.7.2 |
8.5.10 λοιπὸν ὅτε συνεγγίζοιεν αἱ σαμβῦκαι , τότε περιαγόμεναι καρχησίῳ πρὸς τὸ δέον αἱ κεραῖαι διά τινος σχαστηρίας ἠφίεσαν εἰς τὸ κατασκεύασμα τὸν λίθον ·
8.5.11 ἐξ οὗ συνέβαινε μὴ μόνον αὐτὸ συνθραύεσθαι τοὔργανον , ἀλλὰ καὶ τὴν ναῦν
8.6.1
ἅμα δὲ καὶ καθίει χεῖρα σιδηρᾶν ἐξ ἁλύσεως δεδεμένην , ᾗ δραξάμενος ὁ τὴν κεραίαν οἰακίζων ὅθεν ἐπιλάβοιτο τῆς πρώρρας , κατῆγε τὴν πτέρναν τῆς μηχανῆς ἐντὸς τοῦ τείχους .
8.6.3 ὅτε δὲ κουφίζων τὴν πρῶρραν ὀρθὸν ποιήσειε τὸ σκάφος ἐπὶ πρύμναν , τὰς μὲν πτέρνας τῶν ὀργάνων εἰς ἀκίνητον καθῆπτε , τὴν δὲ χεῖρα καὶ τὴν ἅλυσιν ἐκ τῆς μηχανῆς ἐξέρραινε διά τινος σχαστηρίας .
8.6.4 οὗ γινομένου τινὰ μὲν τῶν πλοίων πλάγια κατέπιπτε , τινὰ δὲ καὶ κατεστρέφετο , τὰ δὲ πλεῖστα τῆς πρώρρας ἀφʼ ὕψους ῥιφθείσης βαπτιζόμενα πλήρη θαλάττης ἐγίνετο καὶ ταραχῆς .
8.6.5 Μάρκος δὲ δυσχρηστούμενος ἐπὶ τοῖς ἀπαντωμένοις ὑπʼ Ἀρχιμήδους , καὶ θεωρῶν μετὰ βλάβης καὶ χλευασμοῦ τοὺς ἔνδον ἀποτριβομένους αὑτοῦ τὰς ἐπιβολάς ,
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 8.5.7 | Polyb. 8.6.2 (English) | >>Polyb. 8.7.2 |
