| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 9.15.7 | Polyb. 9.15.15 (English) | >>Polyb. 9.17.2 |
9.15.12 ἐν δὲ ταῖς συννεφέσι νυξὶ τῇ σελήνῃ προσεκτέον , ἐπεὶ διὰ τὸ μέγεθος ὡς ἐπίπαν αἰεὶ τὸ ταύτης ἐμφαίνεται φῶς , καθʼ ὃν ἂν ᾖ τόπον τοῦ κόσμου .
9.15.13 καὶ ποτὲ μὲν ἐκ τῶν περὶ τὰς ἀνατολὰς καιρῶν καὶ τόπων στοχαστέον ,
9.15.14 ποτὲ δὲ πάλιν ἐκ τῶν περὶ τὰς δύσεις , καθυπαρχούσης καὶ περὶ τοῦτο τὸ μέρος ἐννοίας ἐπὶ τοσοῦτον ὥστε συμπεριφέρεσθαι ταῖς καθʼ ἡμέραν διαφοραῖς τῶν ἀνατολῶν .
9.15.15 ἔστι δὲ τρόπος εὐθεώρητος καὶ περὶ ταύτην · ὅρος γὰρ εἷς μὴν ὡς τύπῳ , καὶ πρὸς αἴσθησιν
9.16.1
ἱκανὰ γὰρ καὶ τὰ παρὰ δόξαν γινόμενα μὴ δυνάμενα τυγχάνειν προνοίας ἀκριβοῦς εἰς τὸ πολλὴν ἀπορίαν παρασκευάζειν καὶ πολλάκις ,
9.16.3 οἷον ὄμβρων καὶ ποταμῶν ἐπιφοραὶ καὶ πάγων ὑπερβολαὶ καὶ χιόνες , ἔτι δʼ ὁ καπνώδης καὶ συννεφὴς ἀὴρ καὶ τἄλλα τὰ παραπλήσια τούτοις .
9.16.4 εἰ δὲ καὶ περὶ ὧν δυνατόν ἐστι προϊδέσθαι , καὶ τούτων ὀλιγωρήσομεν , πῶς οὐκ εἰκότως ἐν τοῖς πλείστοις ἀποτευξόμεθα διʼ αὑτούς ;
9.16.5 διόπερ οὐκ ἀφροντιστητέον οὐδενὸς τῶν προειρημένων , ἵνα μὴ τοιούτοις ἀλογήμασι περιπίπτωμεν οἵοις φασὶ περιπεσεῖν ἑτέρους τε πλείους καὶ τοὺς νῦν ὑφʼ ἡμῶν λέγεσθαι μέλλοντας ὑποδείγματος χάριν .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 9.15.7 | Polyb. 9.15.15 (English) | >>Polyb. 9.17.2 |
