| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 9.22.5 | Polyb. 9.23.3 (English) | >>Polyb. 9.24.2 |
9.22.10 ἐμοὶ δʼ ἔμπαλιν οὐχ ὑγιὲς εἶναι δοκεῖ τὸ λεγόμενον · οὐ γὰρ ὀλίγα μοι φαίνονται , τὰ δὲ πλεῖστα , ποτὲ μὲν διὰ τὰς τῶν φίλων παραθέσεις , ποτὲ δὲ διὰ τὰς τῶν πραγμάτων ποικιλίας , ἄνθρωποι παρὰ τὴν αὑτῶν προαίρεσιν ἀναγκάζεσθαι καὶ λέγειν καὶ πράττειν .
9.23.1
τίς γὰρ Ἀγαθοκλέα τὸν Σικελίας τύραννον οὐχ ἱστόρηκε διότι δόξας ὠμότατος εἶναι κατὰ τὰς πρώτας ἐπιβολὰς καὶ τὴν κατασκευὴν τῆς δυναστείας , μετὰ ταῦτα νομίσας βεβαίως ἐνδεδέσθαι τὴν Σικελιωτῶν ἀρχὴν πάντων ἡμερώτατος δοκεῖ γεγονέναι καὶ πρᾳότατος ;
9.23.3 ἔτι δὲ Κλεομένης ὁ Σπαρτιάτης οὐ χρηστότατος μὲν βασιλεύς , πικρότατος δὲ τύραννος , εὐτραπελώτατος δὲ πάλιν ἰδιώτης καὶ φιλανθρωπότατος ;
9.23.4 καίτοι γʼ οὐκ εἰκὸς ἦν περὶ τὰς αὐτὰς φύσεις τὰς ἐναντιωτάτας διαθέσεις ὑπάρχειν · ἀλλʼ ἀναγκαζόμενοι ταῖς τῶν πραγμάτων μεταβολαῖς συμμετατίθεσθαι τὴν ἐναντίαν τῇ φύσει πολλάκις ἐμφαίνουσι διάθεσιν ἔνιοι τῶν δυναστῶν πρὸς τοὺς ἐκτός , ὥστε μὴ οἷον ἐλέγχεσθαι τὰς φύσεις διὰ τούτων , τὸ δʼ ἐναντίον ἐπισκοτεῖσθαι μᾶλλον .
9.23.5 τὸ δʼ αὐτὸ καὶ διὰ τὰς τῶν φίλων παραθέσεις εἴωθε συμβαίνειν οὐ μόνον ἡγεμόσι καὶ δυνάσταις καὶ βασιλεῦσιν , ἀλλὰ καὶ πόλεσιν .
9.23.6 Ἀθηναίων γοῦν εὕροι τις ἂν ὀλίγα μὲν τὰ πικρά , πολλὰ δὲ τὰ χρηστὰ καὶ σεμνὰ τῆς πολιτείας Ἀριστείδου καὶ Περικλέους προεστώτων , Κλέωνος δὲ καὶ Χάρητος τἀναντία ·
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 9.22.5 | Polyb. 9.23.3 (English) | >>Polyb. 9.24.2 |
