Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 9.28.1 | Polyb. 9.28.8 (English) | >>Polyb. 9.29.8 |
9.28.5 ἦν ἔτι τὸ τῆς ὑμετέρας πόλεως ἀξίωμα , δοκοῦν ἂν σὺν καιρῷ προστήσεσθαι τῶν Ἑλλήνων .
9.28.6 τοιγαροῦν πᾶσαν ἱκανὴν ποιησάμενος πρόφασιν ἧκε μετὰ τῶν δυνάμεων , καὶ κατέφθειρε μὲν τέμνων τὴν γῆν , κατέφθειρε δʼ αἴθων τὰς οἰκίας .
9.28.7 τὸ δὲ τελευταῖον ἀποτεμόμενος καὶ τὰς πόλεις καὶ τὴν χώραν ὑμῶν προσένειμε τὴν μὲν Ἀργείοις , τὴν δὲ Τεγεάταις καὶ Μεγαλοπολίταις , τὴν δὲ Μεσσηνίοις , ἅπαντας βουλόμενος καὶ παρὰ τὸ προσῆκον εὐεργετεῖν , ἐφʼ ᾧ μόνον ὑμᾶς κακῶς ποιεῖν .
9.28.8 διεδέξατο παρʼ αὐτοῦ τὴν ἀρχὴν Ἀλέξανδρος . οὗτος πάλιν ὑπολαβὼν βραχύ τι τῆς Ἑλλάδος ἔναυσμα καταλείπεσθαι περὶ τὴν Θηβαίων πόλιν , τίνα τρόπον αὐτὴν διέφθειρε , πάντας ὑμᾶς οἴομαι κατανοεῖν .
9.29.1
οὐδεὶς γάρ ἐστι τῶν ὄντων οὕτως ἀπράγμων ὃς οὐχὶ πέπυσται πῶς Ἀντίπατρος μὲν ἐν τῇ περὶ Λαμίαν μάχῃ νικήσας τοὺς Ἕλληνας κάκιστα μὲν ἐχρήσατο τοῖς ταλαιπώροις Ἀθηναίοις , ὁμοίως δὲ καὶ τοῖς ἄλλοις ,
9.29.3 εἰς τοῦτο δʼ ὕβρεως ἦλθε καὶ παρανομίας ὡς φυγαδοθήρας καταστήσας ἐξέπεμψε πρὸς τὰς πόλεις ἐπὶ τοὺς ἀντειρηκότας ἢ καθόλου λελυπηκότας τι τὴν Μακεδόνων οἰκίαν .
9.29.4 ὧν οἱ μὲν ἐκ τῶν ἱερῶν ἀγόμενοι μετὰ βίας , οἱ δʼ ἀπὸ τῶν βωμῶν ἀποσπώμενοι , μετὰ τιμωρίας ἀπέθνησκον , οἱ δὲ διαφυγόντες ἐκ πάσης ἐξενηλατοῦντο τῆς Ἑλλάδος · φύξιμον γὰρ οὐδὲν ἦν πλὴν ἑνὸς αὐτοῖς τοῦ τῶν Αἰτωλῶν ἔθνους .
Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 9.28.1 | Polyb. 9.28.8 (English) | >>Polyb. 9.29.8 |