| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 9.33.2 | Polyb. 9.33.10 (English) | >>Polyb. 9.34.5 |
9.33.7 οὐ γὰρ ὡς ἠδικηκότα Φίλιππον Θετταλούς , καθάπερ οὗτος ἐτόλμα λέγειν , ἀλλʼ ὡς εὐεργέτην ὄντα τῆς Ἑλλάδος , καὶ κατὰ γῆν αὐτὸν ἡγεμόνα καὶ κατὰ θάλατταν εἵλοντο πάντες · οὗ πρότερον ἀνθρώπων οὐδεὶς ἔτυχε .
9.33.8 νὴ Δίʼ , ἀλλὰ παρεγένετο μετὰ τῆς δυνάμεως εἰς τὴν Λακωνικήν ·
9.33.9 οὐ κατά γε τὴν αὑτοῦ προαίρεσιν , ὡς ὑμεῖς ἴστε , καλούμενος δὲ καὶ πολλάκις ὀνομαζόμενος ὑπὸ τῶν ἐν Πελοποννήσῳ φίλων καὶ συμμάχων μόλις αὑτὸν ἐπέδωκε .
9.33.10 καὶ παραγενόμενος πῶς τοῖς πράγμασιν ἐχρήσατο , ὦ Χλαινέα , σκόπει . δυνάμενος γὰρ συγχρήσασθαι ταῖς τῶν ἀστυγειτόνων ὁρμαῖς πρός τε τὴν τῆς χώρας τῆς τούτων καταφθορὰν καὶ τὴν τῆς πόλεως ταπείνωσιν , καὶ τοῦτο πρᾶξαι μετὰ τῆς μεγίστης χάριτος ,
9.33.11 ἐπὶ μὲν τὴν τοιαύτην αἵρεσιν οὐδαμῶς αὑτὸν ἐνέδωκε , καταπληξάμενος δὲ κἀκείνους καὶ τούτους ἐπὶ τῷ κοινῇ συμφέροντι διὰ λόγου τὴν ἐξαγωγὴν ἀμφοτέρους ἠνάγκασε ποιήσασθαι περὶ τῶν ἀμφισβητουμένων ,
9.33.12 οὐχ αὑτὸν ἀποδείξας κριτὴν ὑπὲρ τῶν ἀντιλεγομένων , ἀλλὰ κοινὸν ἐκ πάντων τῶν Ἑλλήνων καθίσας κριτήριον . ἄξιόν γε τὸ γεγονὸς ὀνείδους καὶ προφορᾶς .
9.34.1
ὅτι δὲ τιμωρίαν ἔλαβε παρὰ τῶν Περσῶν ὑπὲρ τῆς εἰς ἅπαντας τοὺς Ἕλληνας ὕβρεως , οὐκ ἐποιήσω μνήμην ,
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 9.33.2 | Polyb. 9.33.10 (English) | >>Polyb. 9.34.5 |
