Theocritus, Idylls (XML Header) [genre: poetry] [word count] [lemma count] [Theoc. Id.]. | ||
<<Theoc. Id. 1.80 | Theoc. Id. 1.115 (English) | >>Theoc. Id. 1.140 |
1.101Κύπρι νεμεσσατά , Κύπρι θνατοῖσιν ἀπεχθής ·
ἤδη γὰρ φράσδῃ πάνθʼ ἅλιον ἄμμι δεδύκειν ·
Δάφνις κἠν Ἀίδα κακὸν ἔσσεται ἄλγος Ἔρωτι .
ἄρχετε βουκολικᾶς Μοῖσαι πάλιν ἄρχετʼ ἀοιδᾶς .
ὧ λέγεται τὰν Κύπριν ὁ βουκόλος --ἕρπε ποτʼ Ἴδαν ,
1.106ἕρπε ποτʼ Ἀγχίσην . τηνεῖ δρύες , ἔνθα κύπειρος ·
ἄρχετε βουκολικᾶς Μοῖσαι φίλαι ἄρχετʼ ἀοιδᾶς .
ὡραῖος χὥδωνις , ἐπεὶ καὶ μᾶλα νομεύει .
1.110καὶ πτῶκας βάλλει καὶ θηρία πάντα διώκει .
ἄρχετε βουκολικᾶς Μοῖσαι φίλαι ἄρχετʼ ἀοιδᾶς .
αὖθις ὅπως στασῇ Διομήδεος ἆσσον ἰοῖσα ,
καὶ λέγε · τὸν βούταν νικῶ Δάφνιν , ἀλλὰ μάχευ μοι .
ἄρχετε βουκολικᾶς Μοῖσαι πάλιν ἄρχετʼ ἀοιδᾶς .
1.115ὦ λύκοι , ὦ θῶες , ὦ ἀνʼ ὤρεα φωλάδες ἄρκτοι ,
χαίρεθʼ . ὁ βουκόλος ὔμμιν ἐγὼ Δάφνις οὐκέτʼ ἀνʼ ὕλαν ,
οὐκέτʼ ἀνὰ δρυμώς , οὐκ ἄλσεα . χαῖρʼ Ἀρέθοισα ,
καὶ ποταμοί , τοὶ χεῖτε καλὸν κατὰ Θύμβριδος ὕδωρ .
ἄρχετε βουκολικᾶς Μοῖσαι πάλιν ἄρχετʼ ἀοιδᾶς .
1.120Δάφνις ἐγὼν ὅδε τῆνος ὁ τὰς βόας ὧδε νομεύων ,
Δάφνις ὁ τὼς ταύρως καὶ πόρτιας ὧδε ποτίσδων .
ἄρχετε βουκολικᾶς Μοῖσαι πάλιν ἄρχετʼ ἀοιδᾶς .
ὦ Πὰν Πάν , εἴτʼ ἐσσὶ κατʼ ὤρεα μακρὰ Λυκαίω ,
εἴτε τύ γʼ ἀμφιπολεῖς μέγα Μαίναλον , ἔνθʼ ἐπὶ νᾶσον
1.125τὰν Σικελάν , Ἑλίκας δὲ λίπε ῥίον αἰπύ τε σᾶμα
τῆνο Λυκαονίδαο , τὸ καὶ μακάρεσσιν ἀγητόν .
λήγετε βουκολικᾶς Μοῖσαι ἴτε λήγετʼ ἀοιδᾶς .
ἔνθʼ ὦναξ καὶ τάνδε φέρευ πακτοῖο μελίπνουν
ἐκ κηρῶ σύριγγα καλάν , περὶ χεῖλος ἑλικτάν .
1.106
1.110
1.115
1.120
1.125
Theocritus, Idylls (XML Header) [genre: poetry] [word count] [lemma count] [Theoc. Id.]. | ||
<<Theoc. Id. 1.80 | Theoc. Id. 1.115 (English) | >>Theoc. Id. 1.140 |