Theocritus, Idylls (XML Header) [genre: poetry] [word count] [lemma count] [Theoc. Id.]. | ||
<<Theoc. Id. 1.101 | Theoc. Id. 1.130 (English) | >>Theoc. Id. 1.150 |
1.120Δάφνις ἐγὼν ὅδε τῆνος ὁ τὰς βόας ὧδε νομεύων ,
Δάφνις ὁ τὼς ταύρως καὶ πόρτιας ὧδε ποτίσδων .
ἄρχετε βουκολικᾶς Μοῖσαι πάλιν ἄρχετʼ ἀοιδᾶς .
ὦ Πὰν Πάν , εἴτʼ ἐσσὶ κατʼ ὤρεα μακρὰ Λυκαίω ,
εἴτε τύ γʼ ἀμφιπολεῖς μέγα Μαίναλον , ἔνθʼ ἐπὶ νᾶσον
1.125τὰν Σικελάν , Ἑλίκας δὲ λίπε ῥίον αἰπύ τε σᾶμα
τῆνο Λυκαονίδαο , τὸ καὶ μακάρεσσιν ἀγητόν .
λήγετε βουκολικᾶς Μοῖσαι ἴτε λήγετʼ ἀοιδᾶς .
ἔνθʼ ὦναξ καὶ τάνδε φέρευ πακτοῖο μελίπνουν
ἐκ κηρῶ σύριγγα καλάν , περὶ χεῖλος ἑλικτάν .
1.130ἦ γὰρ ἐγὼν ὑπʼ ἔρωτος ἐς ᾍδαν ἕλκομαι ἤδη .
λήγετε βουκολικᾶς Μοῖσαι ἴτε λήγετʼ ἀοιδᾶς .
νῦν δʼ ἴα μὲν φορέοιτε βάτοι , φορέοιτε δʼ ἄκανθαι ,
ἁ δὲ καλὰ νάρκισσος ἐπʼ ἀρκεύθοισι κομάσαι ·
πάντα δʼ ἔναλλα γένοιτο , καὶ ἁ πίτυς ὄχνας ἐνείκαι .
Δάφνις ἐπεὶ θνάσκει · καὶ τὼς κύνας ὥλαφος ἕλκοι ,
1.136κἠξ ὀρέων τοὶ σκῶπες ἀηδόσι γαρύσαιντο .
λήγετε βουκολικᾶς Μοῖσαι ἴτε λήγετʼ ἀοιδᾶς .
χὡ μὲν τόσσʼ εἰπὼν ἀπεπαύσατο · τὸν δʼ Ἀφροδίτα
ἤθελʼ ἀνορθῶσαι · τά γε μὰν λίνα πάντα λελοίπει
1.140ἐκ Μοιρᾶν , χὡ Δάφνις ἔβα ῥόον . ἔκλυσε δίνα
τὸν Μοίσαις φίλον ἄνδρα , τὸν οὐ Νύμφαισιν ἀπεχθῆ .
λήγετε βουκολικᾶς Μοῖσαι ἴτε λήγετʼ ἀοιδᾶς .
καὶ τὺ δίδου τὰν αἶγα τό τε σκύφος , ὥς κεν ἀμέλξας
σπείσω ταῖς Μοίσαις . ὦ χαίρετε πολλάκι Μοῖσαι ,
1.125
1.130
1.136
1.140
Theocritus, Idylls (XML Header) [genre: poetry] [word count] [lemma count] [Theoc. Id.]. | ||
<<Theoc. Id. 1.101 | Theoc. Id. 1.130 (English) | >>Theoc. Id. 1.150 |