| Theocritus, Idylls (XML Header) [genre: poetry] [word count] [lemma count] [Theoc. Id.]. | ||
| <<Theoc. Id. 10.1 | Theoc. Id. 10.15 (English) | >>Theoc. Id. 10.40 |
10.5ποῖός τις δείλαν τυ καὶ ἐκ μέσω ἄματος ἐσσῇ ,
ὃς νῦν ἀρχόμενος τᾶς αὔλακος οὐκ ἀποτρώγεις ;
ΒάττοςΜίλων ὀψαμάτα , πέτρας ἀπόκομμʼ ἀτεράμνω ,
οὐδαμά τοι συνέβα ποθέσαι τινὰ τῶν ἀπεόντων ;
Μίλωνοὐδαμά . τίς δὲ πόθος τῶν ἔκτοθεν ἐργάτᾳ ἀνδρί ;
Βάττος10.10οὐδαμά νυν συνέβα τοι ἀγρυπνῆσαι διʼ ἔρωτα ;
Μίλωνμηδέ γε συμβαίη · χαλεπὸν χορίω κύνα γεῦσαι .
Βάττοςἀλλʼ ἐγὼ ὦ Μίλων ἔραμαι σχεδὸν ἑνδεκαταῖος .
Μίλωνἐκ πίθω ἀντλεῖς δῆλον · ἐγὼ δʼ ἔχω οὐδʼ ἅλις ὄξος .
Βάττοςτοιγάρτοι πρὸ θυρᾶν μοι ἀπὸ σπόρω ἄσκαλα πάντα .
Μίλων10.15τίς δέ τυ τᾶν παίδων λυμαίνεται ;
Βάττοςἁ Πολυβώτα ,
ἃ πρᾶν ἀμάντεσσι παρʼ Ἱπποκίωνι ποταύλει .
Μίλωνεὗρε θεὸς τὸν ἀλιτρόν · ἔχεις πάλαι ὧν ἐπεθύμεις .
μάντίς τοι τὰν νύκτα χροϊξεῖθʼ ἁ καλαμαία .
Βάττοςμωμᾶσθαί μʼ ἄρχῃ τύ · τυφλὸς δʼ οὐκ αὐτὸς ὁ Πλοῦτος ,
10.20ἀλλὰ καὶ ὡφρόντιστος Ἔρως . μὴ δὴ μέγα μυθεῦ .
Μίλωνοὐ μέγα μυθεῦμαι · τὺ μόνον κατάβαλλε τὸ λᾷον ,
καί τι κόρας φιλικὸν μέλος ἀμβάλευ . ἅδιον οὑτῶς
ἐργαξῇ · καὶ μὰν πρότερόν ποκα μουσικὸς ἦσθα .
ΒάττοςΜοῖσαι Πιερίδες , συναείσατε τὰν ῥαδινάν μοι
παῖδʼ · ὧν γάρ χʼ ἅψησθε θεαί , καλὰ πάντα ποεῖτε .
10.26Βομβύκα χαρίεσσα , Σύραν καλέοντί τυ πάντες ,
ἰσχνὰν ἁλιόκαυστον , ἐγὼ δὲ μόνος μελίχλωρον .
καὶ τὸ ἴον μέλαν ἐστὶ καὶ ἁ γραπτὰ ὑάκινθος ,
ἀλλʼ ἔμπας ἐν τοῖς στεφάνοις τὰ πρᾶτα λέγονται .
Βάττος
Μίλων
Βάττος10.10
Μίλων
Βάττος
Μίλων
Βάττος
Μίλων10.15
Βάττος
Μίλων
Βάττος
10.20
Μίλων
Βάττος
10.26
| Theocritus, Idylls (XML Header) [genre: poetry] [word count] [lemma count] [Theoc. Id.]. | ||
| <<Theoc. Id. 10.1 | Theoc. Id. 10.15 (English) | >>Theoc. Id. 10.40 |
