Theocritus, Idylls (XML Header) [genre: poetry] [word count] [lemma count] [Theoc. Id.]. | ||
<<Theoc. Id. 11.50 | Theoc. Id. 11.75 (English) | >>Theoc. Id. 12.1 |
11.66καὶ τυρὸν πᾶξαι τάμισον δριμεῖαν ἐνεῖσα .
ἁ μάτηρ ἀδικεῖ με μόνα , καὶ μέμφομαι αὐτᾷ ·
οὐδὲν πήποχʼ ὅλως ποτὶ τὶν φίλον εἶπεν ὑπέρ μευ ,
καὶ ταῦτʼ ἆμαρ ἐπʼ ἆμαρ ὁρεῦσά με λεπτὸν ἐόντα .
11.70φασῶ τὰν κεφαλὰν καὶ τὼς πόδας ἀμφοτέρως μευ
σφύζειν , ὡς ἀνιαθῇ , ἐπεὶ κἠγὼν ἀνιῶμαι .
ὦ Κύκλωψ Κύκλωψ , πᾷ τὰς φρένας ἐκπεπότασαι ;
αἴκʼ ἐνθὼν ταλάρως τε πλέκοις καὶ θαλλὸν ἀμάσας
ταῖς ἄρνεσσι φέροις , τάχα κα πολὺ μᾶλλον ἔχοις νῶν .
11.75τὰν παρεοῖσαν ἄμελγε . τί τὸν φεύγοντα διώκεις ;
εὑρησεῖς Γαλάτειαν ἴσως καὶ καλλίονʼ ἄλλαν .
πολλαὶ συμπαίσδέν με κόραι τὰν νύκτα κέλονται ,
κιχλίζοντι δὲ πᾶσαι , ἐπεί κʼ αὐταῖς ὑπακούσω
δῆλον ὅ τʼ ἐν τᾷ γᾷ κἠγώ τις φαίνομαι ἦμεν .
11.80Οὕτω τοι Πολύφαμος ἐποίμαινεν τὸν ἔρωτα
μουσίσδων , ῥᾷον δὲ διᾶγʼ ἢ εἰ χρυσὸν ἔδωκεν .
11.70
11.75
11.80
Theocritus, Idylls (XML Header) [genre: poetry] [word count] [lemma count] [Theoc. Id.]. | ||
<<Theoc. Id. 11.50 | Theoc. Id. 11.75 (English) | >>Theoc. Id. 12.1 |