| Theocritus, Idylls (XML Header) [genre: poetry] [word count] [lemma count] [Theoc. Id.]. | ||
| <<Theoc. Id. 14.30 | Theoc. Id. 14.55 (English) | >>Theoc. Id. 14.70 |
14.45σάμερον ἑνδεκάτα , ποτίθει δύο , καὶ δύο μῆνες ,
ἐξ ὧ ἀπʼ ἀλλάλων . οὐδʼ εἰ Θρᾳκιστὶ κέκαρμαι ,
οἶδε . Λύκος νῦν πάντα , Λύκῳ καὶ νυκτὸς ἀνῷκται .
ἄμμες δʼ οὔτε λόγω τινὸς ἄξιοι οὔτʼ ἀριθμητοί ,
δύστηνοι Μεγαρῆες ἀτιμοτάτῃ ἐνὶ μοίρῃ .
14.50κεἰ μὲν ἀποστέρξαιμι , τὰ πάντά κεν εἰς δέον ἕρποι .
νῦν δὲ πόθεν ; μῦς , φαντὶ Θυώνιχε , γεύμεθα πίσσας .
χὤτι τὸ φάρμακόν ἐστιν ἀμηχανέοντος ἔρωτος ,
οὐκ οἶδα . πλὰν Σῖμος ὁ τᾶς ἐπιχάλκω ἐρασθεὶς
ἐκπλεύσας ὑγιὴς ἐπανῆλθʼ , ἐμὸς ἁλικιώτας .
14.55πλευσοῦμαι κἠγὼ διαπόντιος , οὔτε κάκιστος
οὔτε πρᾶτος ἴσως , ὁμαλὸς δέ τις ὁ στρατιώτας .
Θυώνιχοςὤφελε μὰν χωρεῖν κατὰ νοῦν τεόν , ὧν ἐπεθύμεις
Αἰσχίνα . εἰ δʼ οὑτῶς ἄρα τοι δοκεῖ ὥστʼ ἀποδαμεῖν ,
μισθοδότας Πτολεμαῖος ἐλευθέρῳ οἷος ἄριστος ,
Αἰσχίνης14.60τἄλλα δʼ ἀνὴρ ποῖός τις ἐλευθέρῳ οἷος ἄριστος ;
Θυώνιχοςεὐγνώμων , φιλόμουσος , ἐρωτικός , εἰς ἄκρον ἁδύς ,
εἰδὼς τὸν φιλέοντα , τὸν οὐ φιλέοντʼ ἔτι μᾶλλον ,
πολλοῖς πολλὰ διδούς , αἰτεύμενος οὐκ ἀνανεύων
οἷα χρὴ βασιλῆʼ · αἰτεῖν δὲ δεῖ οὐκ ἐπὶ παντὶ
14.65Αἰσχίνα . ὥστʼ εἴ τοι κατὰ δεξιὸν ὦμον ἀρέσκει
λῶπος ἄκρον περονᾶσθαι , ἐπʼ ἀμφοτέροις δὲ βεβακὼς
τολμασεῖς ἐπιόντα μένειν θρασὺν ἀσπιδιώταν ,
ᾇ τάχος εἰς Αἴγυπτον . ἀπὸ κροτάφων πελόμεσθα
πάντες γηραλέοι , καὶ ἐπισχερὼ ἐς γένυν ἕρπει
14.50
14.55
Θυώνιχος
Αἰσχίνης14.60
Θυώνιχος
14.65
| Theocritus, Idylls (XML Header) [genre: poetry] [word count] [lemma count] [Theoc. Id.]. | ||
| <<Theoc. Id. 14.30 | Theoc. Id. 14.55 (English) | >>Theoc. Id. 14.70 |
