| Theocritus, Idylls (XML Header) [genre: poetry] [word count] [lemma count] [Theoc. Id.]. | ||
| <<Theoc. Id. 15.100 | Theoc. Id. 15.130 (English) | >>Theoc. Id. 15.145 |
15.120δέδμανθʼ · οἱ δέ τε κῶροι ὑπερπωτῶνται Ἔρωτες ,
οἷοι ἀηδονιδῆες ἀεξομενᾶν ἐπὶ δένδρων
πωτῶνται πτερύγων πειρώμενοι ὄζον ἀπʼ ὄζω .
ὢ ἔβενος , ὢ χρυσός , ὢ ἐκ λευκῶ ἐλέφαντος
αἰετοὶ οἰνοχόον Κρονίδᾳ Διὶ παῖδα φέροντες .
15.125πορφύρεοι δὲ τάπητες ἄνω μαλακώτεροι ὕπνω ,
ἁ Μίλατος ἐρεῖ χὡ τὰν Σαμίαν κάτα βόσκων ·
ἔστρωται κλίνα τῷ Ἀδώνιδι τῷ καλῷ ἄλλα .
τὰν μὲν Κύπρις ἔχει , τὰν δʼ ὁ ῥοδόπαχυς Ἄδωνις
ὀκτωκαιδεκέτης ἢ ἐννεακαίδεχʼ ὁ γαμβρός .
15.130οὐ κεντεῖ τὸ φίλαμʼ , ἔτι οἱ περὶ χείλεα πυρρά .
νῦν μὰν Κύπρις ἔχοισα τὸν αὐτᾶς χαιρέτω ἄνδρα ·
ἀῶθεν δʼ ἁμές νιν ἅμα δρόσῳ ἀθρόαι ἔξω
οἰσεῦμες ποτὶ κύματʼ ἐπʼ ἀιόνι πτύοντα ,
λύσασαι δὲ κόμαν καὶ ἐπὶ σφυρὰ κόλπον ἀνεῖσαι
15.135στήθεσι φαινομένοις λιγυρᾶς ἀρξώμεθʼ ἀοιδᾶς ·
Ἕρπεις ὦ φίλʼ Ἄδωνι καὶ ἐνθάδε κεἰς Ἀχέροντα
ἡμιθέων , ὡς φαντί , μονώτατος . οὔτʼ Ἀγαμέμνων
τοῦτʼ ἔπαθʼ , οὔτʼ Αἴας ὁ μέγας βαρυμάνιος ἥρως ,
οὔθʼ Ἕκτωρ Ἑκάβας ὁ γεραίτερος εἴκατι παίδων ,
15.140οὐ Πατροκλῆς , οὐ Πύρρος ἀπὸ Τροίας ἐπανελθών ,
οὔθʼ οἱ ἔτι πρότερον Λαπίθαι καὶ Δευκαλίωνες ,
οὐ Πελοπηιάδαι τε καὶ Ἄργεος ἄκρα Πελασγοί ·
ἵλαθι νῦν φίλʼ Ἄδωνι , καὶ ἐς νέωτʼ εὐθυμήσαις .
καὶ νῦν ἦνθες Ἄδωνι , καὶ ὅκκʼ ἀφίκῃ , φίλος ἡξεῖς .
Γοργώ
15.125
15.130
15.135
15.140
Γοργώ
| Theocritus, Idylls (XML Header) [genre: poetry] [word count] [lemma count] [Theoc. Id.]. | ||
| <<Theoc. Id. 15.100 | Theoc. Id. 15.130 (English) | >>Theoc. Id. 15.145 |
