Theocritus, Idylls (XML Header) [genre: poetry] [word count] [lemma count] [Theoc. Id.]. | ||
<<Theoc. Id. 15.105 | Theoc. Id. 15.135 (English) | >>Theoc. Id. 16.1 |
15.125πορφύρεοι δὲ τάπητες ἄνω μαλακώτεροι ὕπνω ,
ἁ Μίλατος ἐρεῖ χὡ τὰν Σαμίαν κάτα βόσκων ·
ἔστρωται κλίνα τῷ Ἀδώνιδι τῷ καλῷ ἄλλα .
τὰν μὲν Κύπρις ἔχει , τὰν δʼ ὁ ῥοδόπαχυς Ἄδωνις
ὀκτωκαιδεκέτης ἢ ἐννεακαίδεχʼ ὁ γαμβρός .
15.130οὐ κεντεῖ τὸ φίλαμʼ , ἔτι οἱ περὶ χείλεα πυρρά .
νῦν μὰν Κύπρις ἔχοισα τὸν αὐτᾶς χαιρέτω ἄνδρα ·
ἀῶθεν δʼ ἁμές νιν ἅμα δρόσῳ ἀθρόαι ἔξω
οἰσεῦμες ποτὶ κύματʼ ἐπʼ ἀιόνι πτύοντα ,
λύσασαι δὲ κόμαν καὶ ἐπὶ σφυρὰ κόλπον ἀνεῖσαι
15.135στήθεσι φαινομένοις λιγυρᾶς ἀρξώμεθʼ ἀοιδᾶς ·
Ἕρπεις ὦ φίλʼ Ἄδωνι καὶ ἐνθάδε κεἰς Ἀχέροντα
ἡμιθέων , ὡς φαντί , μονώτατος . οὔτʼ Ἀγαμέμνων
τοῦτʼ ἔπαθʼ , οὔτʼ Αἴας ὁ μέγας βαρυμάνιος ἥρως ,
οὔθʼ Ἕκτωρ Ἑκάβας ὁ γεραίτερος εἴκατι παίδων ,
15.140οὐ Πατροκλῆς , οὐ Πύρρος ἀπὸ Τροίας ἐπανελθών ,
οὔθʼ οἱ ἔτι πρότερον Λαπίθαι καὶ Δευκαλίωνες ,
οὐ Πελοπηιάδαι τε καὶ Ἄργεος ἄκρα Πελασγοί ·
ἵλαθι νῦν φίλʼ Ἄδωνι , καὶ ἐς νέωτʼ εὐθυμήσαις .
καὶ νῦν ἦνθες Ἄδωνι , καὶ ὅκκʼ ἀφίκῃ , φίλος ἡξεῖς .
Γοργώ15.145Πραξινόα , τὸ χρῆμα σοφώτερον ἁ θήλεια .
ὀλβία ὅσσα ἴσατι , πανολβία ὡς γλυκὺ φωνεῖ .
ὥρα ὅμως κεἰς οἶκον . ἀνάριστος Διοκλείδας .
χὠνὴρ ὄξος ἅπαν , πεινᾶντι δὲ μηδὲ ποτένθῃς .
χαῖρε Ἄδων ἀγαπητέ · καὶ ἐς χαίροντας ἀφίκευ .
15.130
15.135
15.140
Γοργώ15.145
Theocritus, Idylls (XML Header) [genre: poetry] [word count] [lemma count] [Theoc. Id.]. | ||
<<Theoc. Id. 15.105 | Theoc. Id. 15.135 (English) | >>Theoc. Id. 16.1 |