Theocritus, Idylls (XML Header) [genre: poetry] [word count] [lemma count] [Theoc. Id.]. | ||
<<Theoc. Id. 15.1 | Theoc. Id. 15.20 (English) | >>Theoc. Id. 15.45 |
15.10ἀλλάλαις , ποτʼ ἔριν , φθονερὸν κακόν , αἰὲν ὁμοῖος .
Γοργώμὴ λέγε τὸν τεὸν ἄνδρα φίλα Δίκωνα τοιαῦτα ,
τῶ μικκῶ παρεόντος · ὅρη γύναι , ὡς ποθορῇ τυ .
θάρσει Ζωπυρίων , γλυκερὸν τέκος · οὐ λέγει ἀπφῦν .
Πραξινόααἰσθάνεται τὸ βρέφος , ναὶ τὰν πότνιαν .
Γοργώκαλὸς ἀπφῦς .
Πραξινόα15.15ἀπφῦς μὰν τῆνος τὰ πρόαν (λέγομες δὲ πρόαν θην
πάντα ) νίτρον καὶ φῦκος ἀπὸ σκανᾶς ἀγοράσδων
ἦνθε φέρων ἅλας ἄμμιν , ἀνὴρ τρισκαιδεκάπηχυς .
Γοργώχὡμὸς ταὐτᾷ ἔχει , φθόρος ἀργυρίω , Διοκλείδας ·
ἑπταδράχμως κυνάδας , γραιᾶν ἀποτίλματα πηρᾶν ,
15.20πέντε πόκως ἔλαβʼ ἐχθές , ἅπαν ῥύπον , ἔργον ἐπʼ ἔργῳ .
ἀλλʼ ἴθι τὠμπέχονον καὶ τὰν περονατρίδα λάζευ .
βᾶμες τῶ βασιλῆος ἐς ἀφνειῶ Πτολεμαίω
θασόμεναι τὸν Ἄδωνιν · ἀκούω χρῆμα καλόν τι
κοσμεῖν τὰν βασίλισσαν .
Πραξινόαἐν ὀλβίω ὄλβια πάντα .
Γοργώ15.25ὧν ἴδες , ὧν εἶπες καὶ ἰδοῖσα τὺ τῷ μὴ ἰδόντι .
ἕρπειν ὥρα κʼ εἴη .
Πραξινόαἀεργοῖς αἰὲν ἑορτά .
Εὐνόα , αἶρε τὸ νῆμα καὶ ἐς μέσον αἰνόθρυπτε
θὲς πάλιν . αἱ γαλέαι μαλακῶς χρῄζοντι καθεύδειν ·
κινεῦ δή , φέρε θᾶσσον ὕδωρ . ὕδατος πρότερον δεῖ .
ἁ δὲ σμᾶμα φέρει . δὸς ὅμως . μὴ δὴ πολὺ ἄπληστε .
15.31ἔγχει ὕδωρ . δύστανε , τί μευ τὸ χιτώνιον ἄρδεις ;
παῦε . ὁκοῖα θεοῖς ἐδόκει , τοιαῦτα νένιμμαι .
ἁ κλᾲξ τᾶς μεγάλας πᾷ λάρνακος ; ὧδε φέρʼ αὐτάν .
ΓοργώΠραξινόα , μάλα τοι τὸ καταπτυχὲς ἐμπερόναμα
τοῦτο πρέπει · λέγε μοι , πόσσω κατέβα τοι ἀφʼ ἱστῶ ;
Πραξινόα
Γοργώ
Πραξινόα
Γοργώ
Πραξινόα15.15
Γοργώ
15.20
Πραξινόα
Γοργώ15.25
Πραξινόα
15.31
Γοργώ
Πραξινόα
Theocritus, Idylls (XML Header) [genre: poetry] [word count] [lemma count] [Theoc. Id.]. | ||
<<Theoc. Id. 15.1 | Theoc. Id. 15.20 (English) | >>Theoc. Id. 15.45 |