| Theocritus, Idylls (XML Header) [genre: poetry] [word count] [lemma count] [Theoc. Id.]. | ||
| <<Theoc. Id. 15.1 | Theoc. Id. 15.25 (English) | >>Theoc. Id. 15.50 |
15.15ἀπφῦς μὰν τῆνος τὰ πρόαν (λέγομες δὲ πρόαν θην
πάντα ) νίτρον καὶ φῦκος ἀπὸ σκανᾶς ἀγοράσδων
ἦνθε φέρων ἅλας ἄμμιν , ἀνὴρ τρισκαιδεκάπηχυς .
Γοργώχὡμὸς ταὐτᾷ ἔχει , φθόρος ἀργυρίω , Διοκλείδας ·
ἑπταδράχμως κυνάδας , γραιᾶν ἀποτίλματα πηρᾶν ,
15.20πέντε πόκως ἔλαβʼ ἐχθές , ἅπαν ῥύπον , ἔργον ἐπʼ ἔργῳ .
ἀλλʼ ἴθι τὠμπέχονον καὶ τὰν περονατρίδα λάζευ .
βᾶμες τῶ βασιλῆος ἐς ἀφνειῶ Πτολεμαίω
θασόμεναι τὸν Ἄδωνιν · ἀκούω χρῆμα καλόν τι
κοσμεῖν τὰν βασίλισσαν .
Πραξινόαἐν ὀλβίω ὄλβια πάντα .
Γοργώ15.25ὧν ἴδες , ὧν εἶπες καὶ ἰδοῖσα τὺ τῷ μὴ ἰδόντι .
ἕρπειν ὥρα κʼ εἴη .
Πραξινόαἀεργοῖς αἰὲν ἑορτά .
Εὐνόα , αἶρε τὸ νῆμα καὶ ἐς μέσον αἰνόθρυπτε
θὲς πάλιν . αἱ γαλέαι μαλακῶς χρῄζοντι καθεύδειν ·
κινεῦ δή , φέρε θᾶσσον ὕδωρ . ὕδατος πρότερον δεῖ .
ἁ δὲ σμᾶμα φέρει . δὸς ὅμως . μὴ δὴ πολὺ ἄπληστε .
15.31ἔγχει ὕδωρ . δύστανε , τί μευ τὸ χιτώνιον ἄρδεις ;
παῦε . ὁκοῖα θεοῖς ἐδόκει , τοιαῦτα νένιμμαι .
ἁ κλᾲξ τᾶς μεγάλας πᾷ λάρνακος ; ὧδε φέρʼ αὐτάν .
ΓοργώΠραξινόα , μάλα τοι τὸ καταπτυχὲς ἐμπερόναμα
τοῦτο πρέπει · λέγε μοι , πόσσω κατέβα τοι ἀφʼ ἱστῶ ;
Πραξινόα15.36μὴ μνάσῃς Γοργοῖ · πλέον ἀργυρίω καθαρῶ μνᾶν
ἢ δύο · τοῖς δʼ ἔργοις καὶ τὰν ψυχὰν ποτέθηκα .
Γοργώἀλλὰ κατὰ γνώμαν ἀπέβα τοι .
Πραξινόατοῦτο κάλʼ εἶπες .
τὠμπέχονον φέρε μοι καὶ τὰν θολίαν κατὰ κόσμον
ἀμφίθες . οὐκ ἀξῶ τυ τέκνον . μορμώ , δάκνει ἵππος .
Γοργώ
15.20
Πραξινόα
Γοργώ15.25
Πραξινόα
15.31
Γοργώ
Πραξινόα15.36
Γοργώ
Πραξινόα
| Theocritus, Idylls (XML Header) [genre: poetry] [word count] [lemma count] [Theoc. Id.]. | ||
| <<Theoc. Id. 15.1 | Theoc. Id. 15.25 (English) | >>Theoc. Id. 15.50 |
