| Theocritus, Idylls (XML Header) [genre: poetry] [word count] [lemma count] [Theoc. Id.]. | ||
| <<Theoc. Id. 15.15 | Theoc. Id. 15.41 (English) | >>Theoc. Id. 15.65 |
15.31ἔγχει ὕδωρ . δύστανε , τί μευ τὸ χιτώνιον ἄρδεις ;
παῦε . ὁκοῖα θεοῖς ἐδόκει , τοιαῦτα νένιμμαι .
ἁ κλᾲξ τᾶς μεγάλας πᾷ λάρνακος ; ὧδε φέρʼ αὐτάν .
ΓοργώΠραξινόα , μάλα τοι τὸ καταπτυχὲς ἐμπερόναμα
τοῦτο πρέπει · λέγε μοι , πόσσω κατέβα τοι ἀφʼ ἱστῶ ;
Πραξινόα15.36μὴ μνάσῃς Γοργοῖ · πλέον ἀργυρίω καθαρῶ μνᾶν
ἢ δύο · τοῖς δʼ ἔργοις καὶ τὰν ψυχὰν ποτέθηκα .
Γοργώἀλλὰ κατὰ γνώμαν ἀπέβα τοι .
Πραξινόατοῦτο κάλʼ εἶπες .
τὠμπέχονον φέρε μοι καὶ τὰν θολίαν κατὰ κόσμον
ἀμφίθες . οὐκ ἀξῶ τυ τέκνον . μορμώ , δάκνει ἵππος .
15.41δάκρυʼ , ὅσσα θέλεις , χωλὸν δʼ οὐ δεῖ τυ γενέσθαι .
ἕρπωμες . Φρυγία , τὸν μικκὸν παῖσδε λαβοῖσα ,
τὰν κύνʼ ἔσω κάλεσον , τὰν αὐλείαν ἀπόκλᾳξον .--
ὦ θεοί , ὅσσος ὄχλος . πῶς καὶ πόκα τοῦτο περᾶσαι
15.45χρὴ τὸ κακόν ; μύρμακες ἀνάριθμοι καὶ ἄμετροι .
πολλά τοι ὦ Πτολεμαῖε πεποίηται καλὰ ἔργα ,
ἐξ ὧ ἐν ἀθανάτοις ὁ τεκὼν · οὐδεὶς κακοεργὸς
δαλεῖται τὸν ἰόντα παρέρπων Αἰγυπτιστί ,
οἷα πρὶν ἐξ ἀπάτας κεκροτημένοι ἄνδρες ἔπαισδον ,
15.50ἀλλάλοις ὁμαλοί , κακὰ παίγνια , πάντες ἀραῖοι .
ἁδίστα Γοργοῖ , τί γενοίμεθα ; τοὶ πολεμισταὶ
ἵπποι τῶ βασιλῆος . ἄνερ φίλε , μή με πατήσῃς .
ὀρθὸς ἀνέστα ὁ πυρρός · ἴδʼ ὡς ἄγριος . κυνοθαρσὴς
Εὐνόα , οὐ φευξῇ ; διαχρησεῖται τὸν ἄγοντα .
Γοργώ
Πραξινόα15.36
Γοργώ
Πραξινόα
15.41
15.45
15.50
| Theocritus, Idylls (XML Header) [genre: poetry] [word count] [lemma count] [Theoc. Id.]. | ||
| <<Theoc. Id. 15.15 | Theoc. Id. 15.41 (English) | >>Theoc. Id. 15.65 |
