Theocritus, Idylls (XML Header) [genre: poetry] [word count] [lemma count] [Theoc. Id.]. | ||
<<Theoc. Id. 16.21 | Theoc. Id. 16.46 (English) | >>Theoc. Id. 16.75 |
16.35ἁρμαλιὴν ἔμμηνον ἐμετρήσαντο πενέσται ·
πολλοὶ δὲ Σκοπάδῃσιν ἐλαυνόμενοι ποτὶ σακοὺς
μόσχοι σὺν κεραῇσιν ἐμυκήσαντο βόεσσι ,
μυρία δʼ ἀμπεδίον Κραννώνιον ἐνδιάασκον
ποιμένες ἔκκριτα μῆλα φιλοξείνοισι Κρεώνδαις ·
16.40ἀλλʼ οὔ σφιν τῶν ἦδος , ἐπεὶ γλυκὺν ἐξεκένωσαν
θυμὸν ἐς εὐρεῖαν σχεδίαν στυγνοῦ Ἀχέροντος ,
ἄμναστοι δὲ τὰ πολλὰ καὶ ὄλβια τῆνα λιπόντες
δειλοῖς ἐν νεκύεσσι μακροὺς αἰῶνας ἔκειντο ,
εἰ μὴ κεῖνος ἀοιδὸς ὁ Κήιος αἰόλα φωνέων
βάρβιτον ἐς πολύχορδον ἐν ἀνδράσι θῆκʼ ὀνομαστοὺς
16.46ὁπλοτέροις , τιμᾶς δὲ καὶ ὠκέες ἔλλαχον ἵπποι ,
οἵ σφισιν ἐξ ἱερῶν στεφανηφόροι ἦλθον ἀγώνων .
τίς δʼ ἂν ἀριστῆας Λυκίων ποτέ , τίς κομόωντας
Πριαμίδας ἢ θῆλυν ἀπὸ χροιᾶς Κύκνον ἔγνω ,
16.50εἰ μὴ φυλόπιδας προτέρων ὕμνησαν ἀοιδοί ;
οὐδʼ Ὀδυσεὺς ἑκατόν τε καὶ εἴκοσι μῆνας ἀλαθεὶς
πάντας ἐπʼ ἀνθρώπους , Ἀίδαν τʼ εἰς ἔσχατον ἐλθὼν
ζωός , καὶ σπήλυγγα φυγὼν ὀλοοῖο Κύκλωπος ,
δηναιὸν κλέος ἔσχεν , ἐσιγάθη δʼ ἂν ὑφορβὸς
16.55Εὔμαιος , καὶ βουσὶ Φιλοίτιος ἀμφʼ ἀγελαίαις
ἔργον ἔχων , αὐτός τε περίσπλαγχνος Λαέρτης ,
εἰ μή σφεας ὤνασαν Ἰάονος ἀνδρὸς ἀοιδαί .
Ἐκ Μοισᾶν ἀγαθὸν κλέος ἔρχεται ἀνθρώποισι ,
χρήματα δὲ ζώοντες ἀμαλδύνουσι θανόντων .
16.60ἀλλʼ ἶσος γὰρ ὁ μόχθος ἐπʼ ᾀόνι κύματα μετρεῖν ,
ὅσσʼ ἄνεμος χέρσονδε μετὰ γλαυκᾶς ἁλὸς ὠθεῖ ,
ἢ ὕδατι νίζειν θολερὰν διαειδέι πλίνθον ,
καὶ φιλοκερδείᾳ βεβλαμμένον ἄνδρα παρελθεῖν .
χαιρέτω ὃς τοιοῦτος , ἀνάριθμος δέ οἱ εἴη
16.40
16.46
16.50
16.55
16.60
Theocritus, Idylls (XML Header) [genre: poetry] [word count] [lemma count] [Theoc. Id.]. | ||
<<Theoc. Id. 16.21 | Theoc. Id. 16.46 (English) | >>Theoc. Id. 16.75 |