Theocritus, Idylls (XML Header) [genre: poetry] [word count] [lemma count] [Theoc. Id.]. | ||
<<Theoc. Id. 2.60 | Theoc. Id. 2.90 (English) | >>Theoc. Id. 2.116 |
2.80ὡς ἀπὸ γυμνασίοιο καλὸν πόνον ἄρτι λιπόντων .
φράζεό μευ τὸν ἔρωθʼ ὅθεν ἵκετο , πότνα Σελάνα .
χὡς ἴδον , ὡς ἐμάνην , ὥς μευ πέρι θυμὸς ἰάφθη
δειλαίας · τὸ δὲ κάλλος ἐτάκετο , κοὔτέ τι πομπᾶς
τήνας ἐφρασάμαν , οὐδʼ ὡς πάλιν οἴκαδʼ ἀπῆνθον
2.85ἔγνων · ἀλλά μέ τις καπυρὰ νόσος ἐξεσάλαξε ,
κείμαν δʼ ἐν κλιντῆρι δέκʼ ἄματα καὶ δέκα νύκτας .
φράζεό μευ τὸν ἔρωθʼ ὅθεν ἵκετο , πότνα Σελάνα .
καί μευ χρὼς μὲν ὁμοῖος ἐγίνετο πολλάκι θάψῳ ,
ἔρρευν δʼ ἐκ κεφαλᾶς πᾶσαι τρίχες , αὐτὰ δὲ λοιπὰ
2.90ὀστίʼ ἔτʼ ἦς καὶ δέρμα . καὶ ἐς τίνος οὐκ ἐπέρασα
ἢ ποίας ἔλιπον γραίας δόμον , ἅτις ἐπᾷδεν ;
ἀλλʼ ἦς οὐδὲν ἐλαφρόν · ὁ δέ χρόνος ἄνυτο φεύγων .
φράζεό μευ τὸν ἔρωθʼ ὅθεν ἵκετο , πότνα Σελάνα .
2.94χοὔτω τᾷ δούλᾳ τὸν ἀλαθέα μῦθον ἔλεξα ·
εἰ δʼ ἄγε Θεστυλί μοι χαλεπᾶς νόσω εὑρέ τι μῆχος .
πᾶσαν ἔχει με τάλαιναν ὁ Μύνδιος · ἀλλὰ μολοῖσα
τήρησον ποτὶ τὰν Τιμαγήτοιο παλαίστραν ·
τηνεῖ γὰρ φοιτῇ , τηνεῖ δέ οἱ ἁδὺ καθῆσθαι .
φράζεό μευ τὸν ἔρωθʼ ὅθεν ἵκετο , πότνα Σελάνα .
2.100κἠπεί κά νιν ἐόντα μάθῃς μόνον , ἅσυχα νεῦσον ,
κεἴφʼ ὅτι Σιμαίθα τυ καλεῖ , καὶ ὑφαγέο τᾷδε .
ὣς ἐφάμαν · ἁ δʼ ἦνθε καὶ ἄγαγε τὸν λιπαρόχρων
εἰς ἐμὰ δώματα Δέλφιν · ἐγὼ δέ νιν ὡς ἐνόησα
ἄρτι θύρας ὑπὲρ οὐδὸν ἀμειβόμενον ποδὶ κούφῳ --
φράζεό μευ τὸν ἔρωθʼ ὅθεν ἵκετο , πότνα Σελάνα --
2.85
2.90
2.94
2.100
Theocritus, Idylls (XML Header) [genre: poetry] [word count] [lemma count] [Theoc. Id.]. | ||
<<Theoc. Id. 2.60 | Theoc. Id. 2.90 (English) | >>Theoc. Id. 2.116 |