Theocritus, Idylls (XML Header) [genre: poetry] [word count] [lemma count] [Theoc. Id.]. | ||
<<Theoc. Id. 21.1 | Theoc. Id. 21.10 (English) | >>Theoc. Id. 21.40 |
21.1 ἁ πενία Διόφαντε μόνα τὰς τέχνας ἐγείρει ,
αὐτὰ τῶ μόχθοιο διδάσκαλος · οὐδὲ γὰρ εὕδειν
ἀνδράσιν ἐργατίναισι κακαὶ παρέχοντι μέριμναι .
κἂν ὀλίγον νυκτός τις ἐπιβρίσσῃσι , τὸν ὕπνον
21.5αἰφνίδιον θορυβεῦσιν ἐφιστάμεναι μελεδῶναι .
Ἰχθύος ἀγρευτῆρες ὅμως δύο κεῖντο γέροντες ,
στρωσάμενοι βρύον αὖον ὑπὸ πλεκταῖς καλύβαισι ,
κεκλιμένοι τοίχῳ τῷ φυλλίνῳ · ἐγγύθι δʼ αὐτοῖν
κεῖτο τὰ ταῖν χειροῖν ἀθλήματα , τοὶ καλαθίσκοι ,
21.10τοὶ κάλαμοι , τἄγκιστρα τὰ φυκιόεντα δέλητα
ὁρμιαὶ κύρτοι τε καὶ ἐκ σχοίνων λαβύρινθοι ,
μήρινθοι κώπα τε γέρων τʼ ἐπʼ ἐρείσμασι λέμβος ·
νέρθεν τᾶς κεφαλᾶς φορμὸς βραχύς , εἷμά τʼ ἐπί σφι
οὗτος τοῖς ἁλιεῦσιν ὁ πᾶς πόρος , οὗτος ὁ πλοῦτος .
21.15οὐδεὶς δʼ οὐ σισύραν εἶχʼ οὐ λίνα · πάντα περισσά ,
πάντʼ ἐδόκει τήνοις · ἁ γὰρ πενία σφας ἔτειρε
οὐδεὶς δʼ ἐν μέσσῳ γείτων · πενίᾳ δὲ παρʼ αὐτὰν
θλιβομέναν καλύβαν τρυφερὸν προσέναχε θάλασσα .
κοὔπω τὸν μέσατον δρόμον ἄνυεν ἅρμα Σελάνας ,
21.20τοὺς δʼ ἁλιεῖς ἤγειρε φίλος πόνος , ἐκ βλεφάρων δὲ
ὕπνον ἀπωσάμενοι σφετέραις φρεσὶν ἤρεθον αὐδάν .
Ἀσφαλίωνψεύδοντʼ ὦ φίλε πάντες , ὅσοι τὰς νύκτας ἔφασκον
τῶ θέρεος μινύθειν , ὅτε τἄματα μακρὰ φέρει Ζεύς .
ἤδη μυρίʼ ἐσεῖδον ὀνείρατα , κοὐδέπω ἀώς .
21.25μὴ λαθόμην ; τί τὸ χρῆμα ; χρόνον δʼ αἱ νύκτες ἔχοντι .
ἙταῖροςἈσφαλίων , μέμφῃ τὸ καλὸν θέρος ; οὐ γὰρ ὁ καιρὸς
αὐτομάτως παρέβα τὸν ἑὸν δρόμον · ἀλλὰ τὸν ὕπνον
ἁ φροντὶς κόπτοισα μακρὰν τὰν νύκτα ποιεῖ τοι .
Ἀσφαλίωνἆρʼ ἔμαθες κρίνειν ποκʼ ἐνύπνια ; χρηστὰ γὰρ εἶδον .
21.5
21.10
21.15
21.20
Ἀσφαλίων
21.25
Ἑταῖρος
Ἀσφαλίων
Theocritus, Idylls (XML Header) [genre: poetry] [word count] [lemma count] [Theoc. Id.]. | ||
<<Theoc. Id. 21.1 | Theoc. Id. 21.10 (English) | >>Theoc. Id. 21.40 |