Theocritus, Idylls (XML Header) [genre: poetry] [word count] [lemma count] [Theoc. Id.]. | ||
<<Theoc. Id. 21.25 | Theoc. Id. 21.50 (English) | >>Theoc. Id. 21.65 |
21.40(οὐ μὰν ἦν πολύσιτος , ἐπεὶ δειπνεῦντες ἐν ὥρᾳ ,
εἰ μέμνῃ , τᾶς γαστρὸς ἐφειδόμεθʼ ), εἶδον ἐμαυτὸν
ἐν πέτρᾳ μεμαῶτα , καθεζόμενος δʼ ἐδόκευον
ἰχθύας , ἐκ καλάμων δὲ πλάνον κατέσειον ἐδωδάν .
καί τις τῶν τραφερῶν ὠρέξατο · καὶ γὰρ ἐν ὕπνοις
21.45πᾶσα κύων ἄρκτον μαντεύεται , ἰχθύα κἠγών .
χὡ μὲν τὠγκίστρῳ ποτεφύετο , καὶ ῥέεν αἷμα ,
τὸν κάλαμον δʼ ὑπὸ τῶ κινήματος ἀγκύλον εἶχον
τὼ χέρε τεινόμενον περικλώμενον , εὐρὺν ἀγῶνα ,
πῶς νιν ἕλω μέγαν ἰχθὺν ἀφαυροτέροισι σιδάροις .
21.50εἶθʼ ὑπομιμνάσκων τῶ τρώματος ἠρέμʼ ἔνυξα ,
καὶ νύξας ἐχάλαξα , καὶ οὐ φεύγοντος ἔτεινα .
ἤνυσα δʼ ὦν τὸν ἄεθλον , ἀνείλκυσα χρύσεον ἰχθύν ,
παντᾷ τοι χρυσῷ πεπυκασμένον · εἶχε δὲ δεῖμα ,
μήτι Ποσειδάωνι πέλοι πεφιλημένος ἰχθὺς
21.55ἢ τάχα τᾶς γλαυκᾶς κειμήλιον Ἀμφιτρίτης .
ἠρέμα δʼ αὐτὸν ἐγὼν ἐκ τὠγκίστρω ἀπέλυσα ,
μή ποτε τῶ στόματος τἀγκίστρια χρυσὸν ἔχοιεν .
καὶ τὸν μὲν πίστευσα καλεῖν τὸν ἐπήρατον ἰχθύν ,
ὤμοσα δʼ οὐκέτι λοιπὸν ὑπὲρ πελάγους πόδα θεῖναι ,
21.60ἀλλὰ μενεῖν ἐπὶ γᾶς καὶ τῷ χρυσῷ βασιλεύσειν .
ταῦτά με κἀξήγειρε , τὺ δʼ ὦ ξένε λοιπὸν ἔρειδε
τὰν γνώμαν · ὅρκον γὰρ ἐγὼ τὸν ἐπώμοσα ταρβῶ .
Ἑταῖροςκαὶ σύγε τί τρέσσεις ; οὐκ ὤμοσας · οὐδὲ γὰρ ἰχθὺν
χρύσεον ὡς ἴδες εὗρες , ἴσα δʼ ἦν ψεύδεσιν ὄψις ,
ἐλπὶς τῶν ὕπνων . ζάτει τὸν σάρκινον ἰχθύν ,
21.45
21.50
21.55
21.60
Ἑταῖρος
Theocritus, Idylls (XML Header) [genre: poetry] [word count] [lemma count] [Theoc. Id.]. | ||
<<Theoc. Id. 21.25 | Theoc. Id. 21.50 (English) | >>Theoc. Id. 21.65 |