Theocritus, Idylls (XML Header) [genre: poetry] [word count] [lemma count] [Theoc. Id.]. | ||
<<Theoc. Id. 22.136 | Theoc. Id. 22.165 (English) | >>Theoc. Id. 22.195 |
22.155μνηστεύειν ἀλόχους , αἷς νυμφίοι ἤδη ἑτοῖμοι .
πολλή τοι Σπάρτη , πολλὴ δʼ ἱππήλατος Ἦλις ,
Ἀρκαδίη τʼ εὔμηλος Ἀχαιῶν τε πτολίεθρα ,
Μεσσήνη τε καὶ Ἄργος ἅπασά τε Σισυφὶς ἀκτή ·
ἔνθα κόραι τοκέεσσιν ὑπὸ σφετέροισι τρέφονται
22.160μυρίαι οὔτε φυῆς ἐπιδευέες οὔτε νόοιο .
τάων εὐμαρὲς ὔμμιν ὀπυίειν ἅς κʼ ἐθέλητε ·
ὡς ἀγαθοῖς πολέες βούλοιντό κε πενθεροὶ εἶναι ·
ὑμεῖς δʼ ἐν πάντεσσι διάκριτοι ἡρώεσσι ,
καὶ πατέρες καὶ ἄνωθεν ἅπαν πατρώιον αἷμα .
22.165ἀλλὰ φίλοι τοῦτον μὲν ἐάσατε πρὸς τέλος ἐλθεῖν
ἄμμι γάμον · σφῷν δʼ ἄλλον ἐπιφραζώμεθα πάντες .
ἴσκον τοιάδε πολλά , τὰ δʼ εἰς ὑγρὸν ᾤχετο κῦμα
πνοιὴ ἔχουσʼ ἀνέμοιο , χάρις δʼ οὐχ ἕσπετο μύθοις .
σφὼ γὰρ ἀκηλήτω καὶ ἀπηνέες . ἀλλʼ ἔτι καὶ νῦν
22.170πείθεσθʼ · ἄμφω δʼ ἄμμιν ἀνεψιὼ ἐκ πατρὸς ἐστόν .
εἰ δʼ ὑμῖν κραδίη πόλεμον ποθεῖ , αἵματι δὲ χρὴ
νεῖκος ἀναρρήξαντας ὁμοίιον ἔγχεα λοῦσαι ,
Ἴδας μὲν καὶ ὅμαιμος ἐμός , κρατερὸς Πολυδεύκης ,
χεῖρας ἐρωήσουσιν ἀπεχθομένης ὑσμίνης ,
22.175νῶι δʼ , ἐγὼ Κάστωρ τε , διακρινώμεθʼ ἄρηι
ὁπλοτέρω γεγαῶτε . γονεῦσι δὲ μὴ πολὺ πένθος
ἡμετέροισι λίπωμεν . ἅλις νέκυς ἐξ ἑνὸς οἴκου
εἷς · ἀτὰρ ὧλλοι πάντες ἐυφρανέουσιν ἑταίρους
νυμφίοι ἀντὶ νεκρῶν , ὑμεναιώσουσι δὲ κούρας
22.180τάσδʼ · ὀλίγῳ τοι ἔοικε κακῷ μέγα νεῖκος ἀναιρεῖν .
Εἶπε , τὰ δʼ οὐκ ἄρʼ ἔμελλε θεὸς μεταμώνια θήσειν .
τὼ μὲν γὰρ ποτὶ γαῖαν ἀπʼ ὤμων τεύχεʼ ἔθεντο ,
ὣ γενεῇ προφέρεσκον · ὁ δʼ ἐς μέσον ἤλυθε Λυγκεύς ,
σείων καρτερὸν ἔγχος ὑπʼ ἀσπίδος ἄντυγα πρώτην ·
22.160
22.165
22.170
22.175
22.180
Theocritus, Idylls (XML Header) [genre: poetry] [word count] [lemma count] [Theoc. Id.]. | ||
<<Theoc. Id. 22.136 | Theoc. Id. 22.165 (English) | >>Theoc. Id. 22.195 |