| Theocritus, Idylls (XML Header) [genre: poetry] [word count] [lemma count] [Theoc. Id.]. | ||
| <<Theoc. Id. 23.15 | Theoc. Id. 23.39 (English) | >>Theoc. Id. 23.60 |
23.30λευκὸν τὸ κρίνον ἐστί , μαραίνεται ἁνίκα πίπτῃ ·
ἁ δὲ χιὼν λευκά , καὶ τάκεται ἁνίκα πασθῇ .
καὶ κάλλος καλόν ἐστι τὸ παιδικόν , ἀλλʼ ὀλίγον ζῇ .
ἥξει καιρὸς ἐκεῖνος , ὁπανίκα καὶ τὺ φιλάσεις ,
ἁνίκα τὰν κραδίαν ὀπτεύμενος ἁλμυρὰ κλαύσῃ .
23.35ἀλλὰ τὺ παῖ καὶ τοῦτο πανύστατον ἁδύ τι ῥέξον ·
ὁππόταν ἐξενθὼν ἠρτημένον ἐν προθύροισι
τοῖσι τεοῖσιν ἴδῃς τὸν τλάμονα , μή με παρένθῃς ,
στᾶθι δὲ καὶ βραχὺ κλαῦσον , ἐπισπείσας δὲ τὸ δάκρυ
23.39λῦσον τῶ σχοίνω με καὶ ἀμφίθες ἐκ ῥεθέων σῶν
εἵματα καὶ κρύψόν με , τὸ δʼ αὖ πύματόν με φίλασον ,
κἂν νεκρῷ χάρισαι τὰ σὰ χείλεα . μή με φοβαθῇς ·
οὐ δύναμαι λυπεῖν σε , διαλλάξεις με φιλάσας .
χῶμα δέ μοι χῶσόν τι ὅ μευ κρύψει τὸν ἔρωτα .
κἂν ἀπίῃς , τόδε μοι τρὶς ἐπαίασον · ὦ φίλε κεῖσαι .
23.45ἢν δὲ θέλῃς , καὶ τοῦτο · καλὸς δέ μοι ὤλεθʼ ἑταῖρος .
γράψον καὶ τόδε γράμμα , τὸ σοῖς τοίχοισι χαράξω ·
τοῦτον ἔρως ἔκτεινεν . ὁδοιπόρε , μὴ παροδεύσῃς ,
ἀλλὰ στὰς τόδε λέξον · ἀπηνέα εἶχεν ἑταῖρον .
ὧδʼ εἰπὼν λίθον εἷλκεν , ἐρεισάμενος δʼ ἐπὶ τοίχω
23.50ἄχρι μέσων οὐδῶν φοβερὸν λίθον ἅπτετʼ ἀπʼ αὐτῶν ,
τὰν λεπτὰν σχοινῖδα , βρόχον δʼ ἐνέβαλλε τραχήλῳ ,
τὰν ἕδραν δʼ ἐκύλισεν ὑπὲκ ποδός , ἠδʼ ἐκρεμάσθη
νεκρός . ὁ δʼ αὖτʼ ὤιξε θύρας καὶ τὸν νεκρὸν εἶδεν
αὐλᾶς ἐξ ἰδίας ἠρτημένον , οὐδʼ ἐλυγίχθη
23.35
23.39
23.45
23.50
| Theocritus, Idylls (XML Header) [genre: poetry] [word count] [lemma count] [Theoc. Id.]. | ||
| <<Theoc. Id. 23.15 | Theoc. Id. 23.39 (English) | >>Theoc. Id. 23.60 |
