| Theocritus, Idylls (XML Header) [genre: poetry] [word count] [lemma count] [Theoc. Id.]. | ||
| <<Theoc. Id. 25.175 | Theoc. Id. 25.205 (English) | >>Theoc. Id. 25.235 |
25.195ἀμφὶ δέ σοι τὰ ἕκαστα λέγοιμί κε τοῦδε πελώρου
ὅππως ἐκράανθεν , ἐπεὶ λελίησαι ἀκούειν ,
νόσφίν γʼ ἢ ὅθεν ἦλθε · τὸ γὰρ πολέων περ ἐόντων
Ἀργείων οὐδείς κεν ἔχοι σάφα μυθήσασθαι ·
οἶον δʼ ἀθανάτων τίνʼ ἐίσκομεν ἀνδράσι πῆμα
25.200ἱρῶν μηνίσαντα Φορωνείδῃσιν ἐφεῖναι .
πάντας γὰρ πισῆας ἐπικλύζων ποταμὸς ὣς
λὶς ἄμοτον κεράιζε , μάλιστα δὲ Βεμβιναίους ,
οἵ ἑθεν ἀγχόμοροι ναῖον ἄτλητα παθόντες .
τὸν μὲν ἐμοὶ πρώτιστα τελεῖν ἐπέταξεν ἄεθλον
25.205Εὐρυσθεύς , κτεῖναι δέ μʼ ἐφίετο θηρίον αἰνόν .
αὐτὰρ ἐγὼ κέρας ὑγρὸν ἑλὼν κοίλην τε φαρέτρην
ἰῶν ἐμπλείην νεόμην , ἑτέρηφι δὲ βάκτρον
εὐπαγὲς αὐτόφλοιον ἐπηρεφέος κοτίνοιο
ἔμμητρον , τὸ μὲν αὐτὸς ὑπὸ ζαθέῳ Ἑλικῶνι
25.210εὑρὼν σὺν πυκινῇσιν ὁλοσχερὲς ἔσπασα ῥίζαις .
αὐτὰρ ἐπεὶ τὸν χῶρον , ὅθι λὶς ἦεν , ἵκανον ,
δὴ τότε τόξον ἑλὼν στρεπτὴν ἐπέλασσα κορώνῃ
νευρειήν , περὶ δʼ ἰὸν ἐχέστονον εἶθαρ ἔβησα .
πάντῃ δʼ ὄσσε φέρων ὀλοὸν τέρας ἐσκοπίαζον ,
25.215εἴ μιν ἐσαθρήσαιμι , πάρος γʼ ἐμὲ κεῖνον ἰδέσθαι .
ἤματος ἦν τὸ μεσηγύ , καὶ οὐδέ πῃ ἴχνια τοῖο
φρασθῆναι δυνάμην οὐδʼ ὠρυγμοῖο πυθέσθαι .
οὐδὲ μὲν ἀνθρώπων τις ἔην ἐπὶ βουσὶ καὶ ἔργοις
φαινόμενος σπορίμοιο διʼ αὔλακος , ὅντινʼ ἐροίμην ·
25.220ἀλλὰ κατὰ σταθμοὺς χλωρὸν δέος εἶχεν ἕκαστον .
οὐ μὴν πρὶν πόδας ἔσχον ὄρος τανύφυλλον ἐρευνῶν ,
πρὶν ἰδέειν ἀλκῆς τε παραυτίκα πειρηθῆναι .
ἤτοι ὁ μὲν σήραγγα προδείελος ἔστιχεν εἰς ἥν ,
βεβρωκὼς κρειῶν τε καὶ αἵματος , ἀμφὶ δὲ χαίτας
25.200
25.205
25.210
25.215
25.220
| Theocritus, Idylls (XML Header) [genre: poetry] [word count] [lemma count] [Theoc. Id.]. | ||
| <<Theoc. Id. 25.175 | Theoc. Id. 25.205 (English) | >>Theoc. Id. 25.235 |
