Theocritus, Idylls (XML Header) [genre: poetry] [word count] [lemma count] [Theoc. Id.].
<<Theoc. Id. 27.25 Theoc. Id. 27.50 (English) >>Theoc. Id. 27.70

27.40αἰνήσει σέο λέκτρον, ἐπὴν ἐμὸν οὔνομʼ ἀκούσῃ.
Κόρη οὔνομα σὸν λέγε τῆνο· καὶ οὔνομα πολλάκι τέρπει.
Δάφνις Δάφνις ἐγώ, Λυκίδας τε πατήρ, μήτηρ δὲ Νομαία.
Κόρη ἐξ εὐηγενέων· ἀλλʼ οὐ σέθεν εἰμὶ χερείων.
Δάφνις οἶδʼ, ἄκρα τιμίη ἐσσί· πατὴρ δέ τοί ἐστι Μενάλκας.
Κόρη27.45δεῖξον ἐμοὶ τεὸν ἄλσος, ὅπῃ σέθεν ἵσταται αὖλις.
Δάφνις δεῦρʼ ἴδε πῶς ἀνθεῦσιν ἐμαὶ ῥαδιναὶ κυπάρισσοι.
Κόρη αἶγες ἐμαί, βόσκεσθε· τὰ βουκόλω ἔργα νοήσω.
Δάφνις ταῦροι, καλὰ νέμεσθʼ, ἵνα παρθένῳ ἄλσεα δείξω.
Κόρη τί ῥέζεις, σατυρίσκε; τί δʼ ἔνδοθεν ἅψαο μαζῶν;
Δάφνις27.50μᾶλα τεὰ πράτιστα τάδε χνοάοντα διδάξω.
Κόρη ναρκῶ, ναὶ τὸν Πᾶνα. τεὴν πάλιν ἔξελε χεῖρα.
Δάφνις θάρσει, κῶρα φίλα. τί μοι ἔτρεμες; ὡς μάλα δειλά.
Κόρη βάλλεις εἰς ἀμάραν με καὶ εἵματα καλὰ μιαίνεις.
Δάφνις ἀλλʼ ὑπὸ σοὺς πέπλους ἁπαλὸν νάκος ἠνίδε βάλλω.
Κόρη27.55φεῦ φεῦ, καὶ τὰν μίτραν ἀπέσχισας. ἐς τί δʼ ἔλυσας;
Δάφνις τᾷ Παφίᾳ πράτιστον ἐγὼ τόδε δῶρον ὀπάζω.
Κόρη μίμνε, τάλαν· τάχα τίς τοι ἐπέρχεται· ἦχον ἀκούω.
Δάφνις ἀλλήλαις λαλέουσι τεὸν γάμον αἱ κυπάρισσοι.
Κόρη ἀμπεχόνην ποίησας ἐμὴν ῥάκος· εἰμὶ δὲ γυμνά.
Δάφνις27.60ἄλλην ἀμπεχόνην τῆς σῆς τοι μείζονα δώσω.
Κόρη φῄς μοι πάντα δόμεν· τάχα δʼ ὕστερον οὐδʼ ἅλα δοίης.
Δάφνις αἴθʼ αὐτὰν δυνάμαν καὶ τὰν ψυχὰν ἐπιβάλλειν.
Κόρη Ἄρτεμι, μὴ νεμέσα σέο ῥήμασιν οὐκέτι πιστῇ.
Δάφνις ῥέξω πόρτιν Ἔρωτι καὶ αὐτᾷ βοῦν Ἀφροδίτᾳ.
Κόρη


Theocritus, Idylls (XML Header) [genre: poetry] [word count] [lemma count] [Theoc. Id.].
<<Theoc. Id. 27.25 Theoc. Id. 27.50 (English) >>Theoc. Id. 27.70

Powered by PhiloLogic