Theocritus, Idylls (XML Header) [genre: poetry] [word count] [lemma count] [Theoc. Id.]. | ||
<<Theoc. Id. 28.1 | Theoc. Id. 28.20 (English) | >>Theoc. Id. 29.1 |
28.11πόλλα δʼ οἷα γύναικες φορέοισʼ ὐδάτινα βράκη .
δὶς γὰρ μάτερες ἄρνων μαλάκοις ἐν βοτάνᾳ πόκοις
πέξαιντʼ αὐτοένει , Θευγένιδός γʼ ἔνεκʼ ἐυσφύρω ·
οὕτως ἀνυσίεργος , φιλέει δʼ ὅσσα σαόφρονες .
28.15οὐ γὰρ εἰς ἀκίρας οὐδʼ ἐς ἀέργω κεν ἐβολλόμαν
ὀπάσσαι σε δόμοις ἀμμετέρας ἔσσαν ἀπὺ χθόνος .
καὶ γάρ τοι πάτρις , ἃν ὡξ Ἐφύρας κτίσσε ποτʼ Ἀρχίας
νάσω Τρινακρίας μύελον , ἄνδρων δοκίμων πόλιν .
νῦν μὰν οἶκον ἔχοισʼ ἄνερος , ὃς πόλλʼ ἐδάη σόφα
28.20ἀνθρώποισι νόσοις φάρμακα λύγραις ἀπαλαλκέμεν ,
οἰκήσεις κατὰ Μίλλατον ἐράνναν πεδʼ Ἰαόνων ,
ὡς εὐαλάκατος Θεύγενις ἐν δαμότισιν πέλῃ ,
καί οἱ μνᾶστιν ἄει τῶ φιλαοίδω παρέχῃς ξένω .
κῆνο γάρ τις ἔρει τὤπος ἴδων σʼ · ἦ μεγάλα χάρις
28.25δώρῳ σὺν ὀλίγῳ · πάντα δὲ τίματα τὰ πὰρ φίλων .
28.15
28.20
28.25
Theocritus, Idylls (XML Header) [genre: poetry] [word count] [lemma count] [Theoc. Id.]. | ||
<<Theoc. Id. 28.1 | Theoc. Id. 28.20 (English) | >>Theoc. Id. 29.1 |