Theocritus, Idylls (XML Header) [genre: poetry] [word count] [lemma count] [Theoc. Id.]. | ||
<<Theoc. Id. 29.1 | Theoc. Id. 29.20 (English) | >>Theoc. Id. 29.40 |
29.10ἀλλʼ εἴ μοί τι πίθοιο νέος προγενεστέρῳ ,
τῷ κε λώιον αὖτος ἔχων ἔμʼ ἐπαινέσαις ,
ποίησαι καλίαν μίαν εἰν ἑνὶ δενδρίῳ ,
ὅππῃ μηδὲν ἀπίξεται ἄγριον ὄρπετον .
νῦν δὲ τῶδε μὲν ἄματος ἄλλον ἔχης κλάδον ,
29.15ἄλλον δʼ αὔριον , ἐξ ἑτέρω δʼ ἕτερον μάτης ·
καἰ μέν σευ τὸ κάλον τις ἴδων ῥέθος αἰνέσαι ,
τῷ δʼ εὖθυς πλέον ἢ τριέτης ἐγένευ φίλος ,
τὸν πρῶτον δὲ φιλεῦντα τρίταιον ἐθήκαο .
ἄνδρων τῶν ὑπερανορέων δοκίμοις πνέειν .
29.20φίλη δʼ , ἇς κʼ ἔτʼ ἔῃς , τὸν ὕμοιον ἔχην ἄει .
αἰ γὰρ ὧδε πόῃς , ἄγαθος μὲν ἀκούσεαι
ἐξ ἄστων · ὁ δέ τοί κʼ Ἔρος οὐ χαλέπως ἔχοι ,
ὃς ἄνδρων φρένας εὐμαρέως ὑποδάμναται ,
κἄμε μόλθακον ἐξ ἐπόησε σιδαρίω .
29.25ἀλλὰ πὲρ ἀπάλω στύματός σε πεδέρχομαι
ὀμνάσθην , ὅτι πέρυσιν ἦσθα νεώτερος ,
χὤτι γηραλέοι πέλομες πρὶν ἀποπτύσαι
καὶ ῥύσοι , νεότατα δʼ ἔχην παλινάγρετον
οὐκ ἔστι · πτέρυγας γὰρ ἐπωμαδίαις φόρη ,
29.30κἄμμες βαρδύτεροι τὰ ποτήμενα συλλαβῆν .
ταῦτα χρὴ νοέοντα πέλην ποτιμώτερον ,
καί μοι τὠραμένῳ συνέραν ἀδόλως σέθεν ,
ὅπως , ἁνίκα τὰν γένυν ἀνδρεΐαν ἔχῃς ,
ἀλλάλοισι πελώμεθʼ Ἀχιλλέϊοι φίλοι .
29.35αἰ δὲ ταῦτα φέρην ἀνέμοισιν ἐπιτρέπῃς ,
ἐν θύμῳ δὲ λέγῃς τί με δαιμόνιʼ ἐνόχλης ;
νῦν μὲν κἠπὶ τὰ χρύσεα μᾶλʼ ἔνεκεν σέθεν
βαίην καὶ φύλακον νεκύων πεδὰ Κέρβερον ,
τότα δʼ οὐδὲ καλεῦντος ἐπʼ αὐλεΐαις θύραις
29.15
29.20
29.25
29.30
29.35
Theocritus, Idylls (XML Header) [genre: poetry] [word count] [lemma count] [Theoc. Id.]. | ||
<<Theoc. Id. 29.1 | Theoc. Id. 29.20 (English) | >>Theoc. Id. 29.40 |