| Theocritus, Idylls (XML Header) [genre: poetry] [word count] [lemma count] [Theoc. Id.]. | ||
| <<Theoc. Id. 30.1 | Theoc. Id. 30.10 (English) | >>Theoc. Id. 30.30 |
30.1 ᾤαι τῶ χαλεπῶ καἰνομόρω τῶδε νοσήματος ·
τετόρταιος ἔχει , παιδὸς ἔρως , μῆνά με δεύτερον ,
κάλω μὲν μετρίως , ἀλλʼ ὄποσον τῲ ποδὶ περρέχει
τᾶς γᾶς τοῦτο χάρις · ταῖς δὲ παραύαις γλυκὺ μειδίαι .
καὶ νῦν μὲν τὸ κακὸν ταῖς μὲν ἔχει , ταῖσι δέ μʼ οὐκέτι ,
30.6τάχα δʼ οὐδʼ ὅσον ὕπνω ʼπιτύχην ἔσσετʼ ἐρωία ·
ἐχθὲς γὰρ παριὼν ἔδρακε λέπτʼ ἄμμε διʼ ὀφρύων
αἰδεσθεὶς ποτίδην ἀντίος , ἠρεύθετο δὲ χρόα .
ἔμεθεν δὲ πλέον τᾶς κραδίας ὦρος ἐδράξατο ,
30.10εἰς οἶκον δʼ ἀπέβαν ἕλκος ἔχων καὶ τὸ <κέαρ δακών >.
Πολλὰ δʼ εἰσκαλέσας θυμὸν ἐμαυτοῦ διελεξάμαν ·
τί δὴ ταῦτα ποίης ; ἀλοσύνας τί ἔσχατον ἔσσεται ;
λεύκας οὐκέτʼ ἴσαισθʼ ὅττι φόρης ἐν κροτάφοις τρίχας ;
ὧρά τοι φρονέειν μὴ οὔτι νέος τὰν ἰδέαν πέλῃ .
30.15πάντʼ ἔρδης ἅπερ οἱ τῶν ἐτέων ἄρτι γεγευμένοι .
καὶ μὰν ἄλλο σε λάθει · τόδʼ ἄρʼ ἦς λώιον , ἔμμεναι
ξέννον τῶν χαλεπῶν παιδὸς <ἐρώτων προγενέστερον >
τῷ μὲν γὰρ βίος ἕρπει ἴσα γόννοις ἐλάφω θοᾶς ,
χαλάσει δʼ ἑτέρᾳ ποντοπόρην αὔριον ἄρμενα .
30.20οὐδʼ αὐτῷ γλυκερᾶς ἄνθεμον ἅβας πεδʼ ὐμαλίκων
μένει · τῷ δʼ ὁ πόθος καὶ τὸν ἔσω μυελὸν ἐσθίει
ὀμμιμνασκομένῳ · πολλὰ δʼ ὄραι νυκτὸς ἐνύπνια ,
παύσασθαι δʼ ἐνιαυτὸς χαλέπας οὐκ ἴκανος νόσω .
Ταῦτα κἄτερα πολλὰ προτʼ ἐμὸν θυμὸν ἐμεμψάμαν .
30.6
30.10
30.15
30.20
| Theocritus, Idylls (XML Header) [genre: poetry] [word count] [lemma count] [Theoc. Id.]. | ||
| <<Theoc. Id. 30.1 | Theoc. Id. 30.10 (English) | >>Theoc. Id. 30.30 |
